Kaspıı teńiziniń qazaqstandyq sektorynda antıterrorıstik operatsııa ótti
QR Qorǵanys mınıstrliginiń baspasóz qyzmetinen málim etkendeı, «Qarataý -2017» oqý-jattyǵýynyń stsenarııine sáıkes, qarýlanǵan zańsyz qurylym ókilderi kemeni basyp alady. Al Áskerı-teńiz kúshteriniń jaýyngerlik júzgishter bólimshesi Qazaqstan Respýblıkasy kúsh qurylymdarynyń arnaıy maqsattaǵy bólimshelerimen ózara áreket ete otyryp, jaýlap alynǵan kemeni bosatý jáne shartty lańkesterdiń kózin joıý boıynsha operatsııa ótkizdi.
«Qazirgi soǵystar men qarýly qaqtyǵystar tájirıbesi kórsetip otyrǵandaı, biz teńizderge shyǵýlar men jaýyngerlik atystardyń oqý-jattyǵýlaryn tek dástúrli formalarda ótkizip qana qoımaı, búginde qarsylastyń kez kelgen «shaqyrtýyna» daıyn bolýymyz qajet», - dep atap ótti Áskerı-teńiz kúshteriniń bas qolbasshysy vıtse-admıral Jandarbek Jańzaqov.