Kaspıı teńizinde joǵalǵan eki balyqshy 4 táýlikten beri tabylmaı jatyr
Esterińizge sala keteıik, 30 sáýir 01.00 shamasynda Kaspıı teńizine balyq aýlaýǵa shyqqan 1994 jyly týǵan Qazaqstan jáne 1983 jyly týǵan Ózbekstan azamatynan áli kúnge deıin habar joq.
Mańǵystaý oblysy tótenshe jaǵdaılar departamenti izdeý jumystaryn júrgizip jatyr.
Qutqarý jumysyna departamentten 2 tehnıka, 2 qaıyq jáne 9 adam, «Qazavıaqutqarý» AQ MI-8 tik ushaǵy, Qorǵanys mınıstrliginiń 29011 áskerı bólimi jáne eriktiler jumyldyryldy.
3 mamyr 15.00-de Mańǵystaý oblysy tótenshe jaǵdaılar departamentiniń bastyǵy, podpolkovnık Murat Muhanov tikushaqpen teńizde joǵalyp ketkenderdi izdestirý úshin ushyp ketti.
«Daýyl bolatyny jaıly eskertpe túsken kezde teńizge qaıyqpen shyǵýǵa jáne shomylýǵa tyıym salynady, sebebi teńiz tolqyndary joǵary kóterilip, kúsheıýi múmkin» dep eskertedi qutqarýshylar.