Kaspıı teńizinde ıhtıologııalyq baqylaý jumystary jalǵasady
Kaspıı teńizinde jyl saıyn ıhtıologııalyq zertteý júrgiziledi. 2022 jyly oblys kóleminde 8 tabıǵat paıdalanýshynyń ýchaskesin baqylap, balyq aýlaý jumystary júrgizildi. Jaǵalaýda qurylǵan aý-quraldarǵa bekire, kútim, kefal, kókserke, aqbalyq jáne maıshabaqtar túsken.
«Balyqtardyń salmaǵy ólshengen soń tiri kúıde teńizge qaıta jiberildi. Osylaısha Kaspııdegi bıoresýrstardyń qaı ýchaskede, qandaı kólemde bar ekendigi anyqtalady. Jınaqtalǵan málimetter men fotosýretter Qazaqstannyń ǵylymı-zertteý ınstıtýttaryna jiberiledi. Ihtıologııalyq baqylaý nátıjesi balyq aýlaýǵa memleketten kvota bólinýine yqpal etedi. Aldaǵy ýaqytta tabıǵat paıdalanýshylardyń suranysy boıynsha osy kvota kólemin ulǵaıtý úshin tıisti jumystar atqarylyp jatyr, - dedi Mańǵystaý oblystyq Balyq ınspektsııasy basqarmasynyń basshysy Jaqsyǵalı Іzdibaev.
Buǵan deıin jasalǵan ıhtıologııalyq baqylaý jumystarynyń nátıjesinde kútim balyǵy 2022 jyldyń 16 qyrkúıeginde mınıstrliktiń qaýlysyna sáıkes Qazaqstannyń qyzyl kitabynan shyǵaryldy, ıaǵnı aýlaýǵa ruqsat berildi. Sondaı-aq tabıǵat paıdalanýshylardyń suraýymen QR Aýyl sharýashylyǵy mınıstriniń №18-04/17 buıryǵyna byltyr ózgeris engizilip, dıametri 0,3 mıllımetrlik aý-quralymen aýlaýǵa ruqsat etildi.