Kaspıı teńizinde bir kúnde 5 adam qutqaryldy
11:00, 30 Maýsym 2023
AQTAÝ. QazAqparat – Aqtaý qalasynda Kaspıı teńizinde 5 adam qutqaryldy, dep habarlaıdy QazAqparat Tótenshe jaǵdaılar mınıstrligine silteme jasap.
Oqıǵa 28 maýsymda bolǵan. Kaspıı teńiziniń jaǵalaýynda Mańǵystaý oblystyq Tótenshe jaǵdaılar departamenti mobıldi qutqarý beketiniń jedel-qutqarý jasaǵy 14, 26 jáne 28 jastaǵy adamdardy sýdan qutqarǵan.
«Birneshe saǵattan keıin qutqarýshylar taǵy eki jigitti qutqardy. Olardyń barlyǵy jabdyqtalmaǵan jerde shomylǵan. Medıtsınalyq kómek qajet bolmady», - delingen málimette.