Kaspıı teńizinde «Bekire» operatsııasy bastalǵan 2 aıda 128 brakoner ustaldy

NUR-SULTAN. QazAqparat – Kaspıı teńizinde sáýir aıynda bastalǵan «Bekire» operatsııasy barysynda Shekara qyzmeti 128 quqyq buzýshyny ustaǵan, dep habarlaıy QazAqparat QR Ulttyq qaýipsizdik qyzmetiniń baspasóz qyzmetine silteme jasap.

«Kaspıı teńiziniń sý bıologııalyq resýrstaryn saqtaý jáne utymdy paıdalaný týraly úkimetaralyq Kelisimniń mindettemelerin oryndaý maqsatynda Shekara qyzmeti tabıǵat qorǵaý organdarymen birlesken is-qımyl aıasynda sáýir aıynan bastap vedomstvoaralyq keń aýqymdy «Bekire» aktsııasyna qatysyp jatyr»,-delingen habarlamada.

Atalǵan kezeńde qazaqstandyq shekarashylar Kaspıı teńiziniń akvatorııasynda 59 júzý quralyn paıdalanǵan 128 quqyq buzýshyny ustaǵan. Sondaı-aq 308 km astam brakonerlik kásipshilik quraldary (torlar) alynyp, teńizge bekire tuqymdas balyqtardyń 702 danasy jáne 2 132 usaq túrleri shyǵaryldy, 3,1 mln. teńgege aıyppul salyndy.

«Aldy alynǵan zalaldyń mólsheri 1,1 mlrd. teńgeden astam somany qurap otyr. Birlesken is-sharalar jalǵasýda»,-dep málim etti baspasóz qyzmeti.

Kaspııde brakonerlerdiń áreketinen kelgen shyǵyn aldyn ala esep boıynsha 1,1 mlrd teńgedan asady