Kaspıı shekarashylary eki myńǵa jýyq bekire balyǵyn qutqardy
15:10, 08 Qańtar 2025
<p>AQTAÝ. KAZINFORM – Mańǵystaýda Kaspıı teńizindegi memlekettik shekarany kúzetýshiler byltyr brakonerliktiń 390 deregin joıǵan. Nátıjesinde eki myńǵa jýyq bekire tuqymdas balyǵy men 120 ıtbalyq qutqarylyp, qaıta teńizge jiberildi.</p>
Brakonerlerden 540 shaqyrymdyq aý men 196 júzý quraly tárkilengen.
- Memlekettik shekarany qorǵaý men qorǵaýdy qamtamasyz etý sheńberinde Ulttyq qaýipsizdik komıteti Shekara qyzmeti 2024 jyly shekara keńistiginde QR zańnamasyn buzǵan 55 myńnan astam adamdy, onyń ishinde shekarany buzǵany úshin jaýapqa tartty. Aldyn alynǵan zalal somasy shamamen 4,6 mlrd teńgeni qurady. Osy derekter boıynsha materıaldar quqyq buzýshylardy jaýapqa tartý úshin quqyq qorǵaý jáne sot organdaryna jiberildi, - deıdi QR UQK baspasóz qyzmeti.
Buǵan deıin, Jetisý oblysynda brakonerden 100 keliden asa balyq, 16 dana temir tor tárkilengeni týraly jazǵan bolatynbyz.