Kaspıı munaı qubyr jelisinen taǵy da aqaý shyqty

NUR-SULTAN. QazAqparat – Kaspıı qubyr jelisiniń eki kesheni tehnıkalyq aqaýlarǵa baılanysty jumys istemeı tur, dep habarlaıdy QazAqparat kompanııaǵa silteme jasap.

«Kaspıı qubyr konsortsıýmy» eki shyǵarylatyn aılaq qondyrǵysynan (ShAQ ) munaı jóneltýdi toqtatqanyn rastaıdy. Jabdyqta jaryqshaqatar tabylǵan», - dep habarlady kompanııanyń baspasóz qyzmeti.

«2022 jylǵy tamyzda eki shyǵarylatyn aılaq qurylǵysy jabdyqtarynyń keshenine tehnıkalyq qyzmet kórsetý boıynsha josparly jumystardy júrgizý kezinde sý asty tútikterin júzý tankterine bekitý toraptarynda jaryqshaqtar anyqtaldy. Halyqqa jáne qorshaǵan ortaǵa tónip turǵan qaýip joq, óıtkeni jabdyqtyń sańylaýy saqtalyp, munaı tógilgen joq», - delingen Kaspıı qubyr konsortsıýmy habarlamasynda.

Tabylǵan jaryqshaqtarǵa baılanysty KQK aılaq qurylǵysy óndirýshisi – IMODCO kompanııasyna, sondaı-aq qurylǵylardyń qaýipsizdigin baqylaıtyn ABS jikteý qoǵamyna keńes alýǵa júgindi.

«Bul uıymdar júzý tankterin aýystyrǵanǵa deıin ShAQ paıdalanýdy toqtata turýdy usyndy», – dep habarlady kompanııadan.

Jalpy Qazaqstan munaıynyń basym bóligi eksporttalatyn Kaspıı qubyr jelisiniń jumysynyń toqtaýy bıylǵa birinshi ret emes.

6 shildede Novorossııskiniń Prımorsk aýdandyq soty qujattyq zań buzýshylyqtar úshin «KTK-R» kompanııasynyń qyzmetin 30 táýlikke toqtatqan bolatyn.

11 shildede Krasnodar óńirlik soty Kaspıı qubyr konsortsıýmy jumysyn toqtata turý jónindegi sheshimdi ózgertip, aıyppulǵa almastyrdy.

Foto: cpc.ru