Kaspıı mańy elderi ıtbalyqtardy saqtaý máselelerin talqylady

ASTANA. QazAqparat - 16 qarasha kúni Balyq sharýashylyǵy komıteti Ázerbaıjan Respýblıkasy, Reseı Federatsııasy jáne Túrikmenstan Respýblıkasy ókilderiniń qatysýymen «Kaspıı ıtbalyǵyn zertteý jáne saqtaý máseleleri» atty halyqaralyq vebınar uıymdastyrdy, dep habaralıdy Ekologııa, geologııa jáne tabıǵı resýrstar mınıstrliginiń baspasóz qyzmeti.

Vebınar barysynda árbir qatysýshy el Kaspıı ıtbalyqtary popýlıatsııasynyń jaı-kúıi týraly aqparat baıandady. Sondaı-aq, Qazaqstannyń ǵylymı uıym qyzmetkerleri atalmysh janýarlardy saqtaý jáne qorǵaý jónindegi ulttyq is-shara josparyn usyndy.
Sonymen qatar, atalǵan memleketter arasynda kaspıı ıtbalyǵyn zertteý jáne olardy saqtaý sharalary boıynsha yntymaqtastyq máseleleri talqylandy.
Aıta keteıik, Memleket basshysy Mańǵystaý oblysynyń turǵyndarymen kezdesýde Kaspıı ıtbalyqtarynyń sanyn saqtaý jáne qalpyna keltirý máselesi jeke baqylaýynda ekenin atap ótken bolatyn.
Osyǵan baılanysty, Komıtet tapsyrmalardy oryndaý úshin tıisti sharalar qabyldaýda.

Foto: gov.kz