Kaspıı mańy elderi Ashhabadta brakonerler problemasyn talqylap jatyr

AShHABAD. QazAqparat - Ashhabadta óńirlik deńgeıde Kaspıı teńizinde bıologııalyq resýrstardy zańsyz óndirýge (brakonerlik) qarsy kúres salasyndaǵy yntymaqtastyq týraly hattamanyń jobasy talqylanyp jatyr, dep habarlaıdy «QazAqparat» HAA Trend agenttigine silteme jasap.

Túrikmenstan astanasyndaǵy otyrysqa Qazaqstan, Ázerbaıjan, Iran, Reseı jáne Túrikmenstannyń tıisti mınıstrlikteri men vedomstvolarynyń ýákiletti ókilderi jınaldy. Kún tártibinde Hattama jobasynyń mátini, osy qujattyń oryndalýyna jaýapty quzyrly organdardy aıqyndaý, t.b. máseleler tur.

Sharany Túrikmenstan SІM, Ónerkásip jáne kommýnıkatsııa mınıstrligi, Túrikmenstan prezıdenti janyndaǵy Kaspıı teńizi máseleleri jónindegi memlekettik kásiporyn uıymdastyryp otyr.

Kaspıı teńizi - qurlyq ishinde ornalasqan álemdegi eń úlken sý aıdyny. Teńiz ony jaǵalaı ornalasqan elderdiń klımatyn da qalyptastyrady. Onyń ústine, teńizdiń jergilikti florasy men faýnasy qalyptasqan. Atap aıtqanda, Kaspııde bekire balyǵynyń álemdegi eń iri qory bar.