Kaspıı qubyr jelisiniń qazaqstandyq ýchaskesinde munaı aıdaý stansalary salynýda

ASTANA. 25 shilde. QazAqparat - Kaspıı qubyr jelisi konsortsıýmynyń munaı qubyryn keńeıtýdi maqsat etip otyrǵan jobanyń qazaqstandyq ýchaskesinde qurylys-montajdaý jumystary júrgizilýde, dep habarlady Munaı jáne gaz mınıstrliginiń baspasóz qyzmetinen pm.kz saıtyna.

«KTK qubyryn keńeıtý jobasynyń aıasynda búginde Atyraý jáne Teńiz munaı aıdaý stansalarynda jańartý jáne keńeıtý jumystary, sondaı-aq jańa A-NPS-3A jáne NPS-4 stansalarynyń qurylystaryna ázirlik júrgizilip jatyr», - delingen vedomstvo habarlamasynda.

Oǵan qosa, qazaqstandyq ýchaskelerdiń birinde dıametri 700 mm qubyrlar  1000 mm qubyrlarǵa aýystyrylýda.

Aıta ketý kerek, keńeıtý jobasynyń arqasynda KTK munaı qubyrynyń ótkizý múmkindigin 28,2 mln. tonnadan/jylyna (onyń ishinde qazaqstandyq munaıdyń kólemi 21,5 mln. tonna) 67 mln. tonnaǵa/jylyna jetkizý (qazaqstandyq munaıdyń kólemi 52,5 mln. tonna) qarastyrylýda.

Kompanııanyń aqparaty boıynsha, bul jobany iske asyrý konsortsıýmdy jańa ekonomıkalyq deńgeıge shyǵarady. Tabys eki esege artyp, jylyna 2,3 mlrd. dollardy quraıdy dep kútilýde. Oǵan qosa, 2015 jylǵa qaraı munaı aıdaý stansalarynyń sany qazirgi 5 birlikten 15-ke jetetin bolady.