Kaspıı qubyr jelisi konsortsıýmy munaı eksportyn ulǵaıtty

ASTANA. QazAqparat - 2018 jyldyń qańtar-qyrkúıek aılarynda Kaspıı qubyr jelisi konsortsıýmy (KQK) 44,862 mln tonna munaı eksporttady. Bul kólem 2017 jylǵy kórsetkishpen salystyrǵanda 11,44% kóbirek, dep habarlaıdy QazAqparat.

2018 jyldyń qyrkúıek aıynda óndirilgen munaı kólemi 4,656 mln tonnany quraǵan.

Kaspıı qubyr konsortsıýmy Qazaqstan munaıyn tranzıttik aımaq retindegi Reseı aýmaǵy arqyly eksporttaý úshin qurylǵan. Konsortsıýmnyń ıeligindegi 1,5 myń shaqyrymǵa sozylyp jatqan «Teńiz - Novorossıısk» qubyry Qazaqstannyń batysyndaǵy munaı kenishterin Qara teńiz jaǵalaýlarymen baılanystyrady. KQK 2017 jyly 55,107 mln tonna, ıaǵnı 2016 jylǵydan 24,4%-ke artyq munaıdy eksportqa jibergen.

KQK aktsıonerleri: Reseı - 24%, «QazMunaıGaz» Ulttyq kompanııasy» AQ - 19%, Chevron Caspian Pipeline Consortium Company - 15%, LUKARCO B.V. - 12,5%, Mobil Caspian Pipeline Company - 7,5%, Rosneft-Shell Caspian Ventures Limited - 7,5%, «KTK Kompanı» - 7%, BG Overseas Holding Limited - 2%, Eni International N.A. N.V. - 2%, Kazakhstan Pipeline Ventures LLC - 1,75% - 20,75%, jáne Oryx Caspian Pipeline LLC - 1,75%.