Kaspıı qubyr jelisi konsortsıýmy munaı eksportyn 11,3% arttyrdy

ASTANA. QazAqparat - Kaspıı qubyr jelisi konsortsıýmy (KQK) 2018 jyldyń qańtar-qazanynda 49,974 mln tonna munaı eksporttady. Bul, 2017 jyldyń osy kezeńindegi kórsetkishten 11,28% kóp, dep habarlaıdy QazAqparat tilshisi KQK derekterine silteme jasap.

Bıyl qazan aıynda munaı eksportynyń kólemi 5,112 mln tonnany qurady, ótken jyldyń sáıkes kezeńinde 4,654 mln tonna boldy.  

Kaspıı qubyr jelisi konsortsıýmy Reseı aýmaǵy arqyly qazaqstandyq munaıdy eksporttaýǵa jáne qubyr qurylysy úshin bekitilgen. KQK qashyqtyǵy 1,5 myń shaqyrymdy quraıtyn «Teńiz-Novorossıısk» munaı qubyryna ıe.  Ol Qazaqstannyń batysyndaǵy ken oryndaryn Reseıdegi Qara teńiz jaǵalaýymen baılanystyrady. KQK 2017 jyly 55,107 mln tonna munaı eksporttaǵan. Bul 2016 jylǵy kórsetkishten 24,4% kóp.

KQK aktsıonerleri: Reseı (Transneft - 24% jáne KTK Kompanı - 7 %) - 31%; Qazaqstan (Qazmunaıgaz - 19% jáne Kazakhstan Pipeline Ventures LLC - 1,75%) - 20,75%; Chevron Caspian Pipeline Consortium Company - 15%; LUKARCO B.V. - 12,5%; Mobil Caspian Pipeline Company - 7,5%; Rosneft-Shell Caspian Ventures Limited - 7,5%; BG Overseas Holding Limited - 2%; Eni International N.A. N.V. - 2% jáne Oryx Caspian Pipeline LLC - 1,75%.