Kaspıı qubyr konsortsıýmynyń munaı tasymaldaıtyn 2 qurylǵysy jumysyn ýaqytsha toqtatty

NUR-SULTAN. QazAqparat - Kaspıı qubyr konsortsıýmy 15-25 maýsym aralyǵynda munaıdy aılaqtan tasymaldaıtyn qurylǵy (ATQ) jóneltetin bolady. Bul týraly QazAqparat kompanııaǵa silteme jasap habarlaıdy.

Konsortsıýmnan habarlaǵandaı, ATQ-1 jáne ATQ -2 akvatorııasynda aldyn ala júrgizilgen tekseris barysynda qajet bolǵan jaǵdaıda qosymsha tekserýdi jáne ýtılızatsııany talap etetin gıdroakýstıkalyq jáne magnıttik maqsattar anyqtaldy.

«2022 jyldyń 15 maýsymynan bastap Reseı TJM kúshimen JShQ-1 jáne JShQ-2 akvatorııasynda yqtımal qaýipti sý asty zattaryn tekserý jáne ýtılızatsııa jumystaryn bastaý josparlanǵan. Jumys aıaqtalǵannan keıin qosymsha aqparat taratylady.

«Ýtılızatsııa qorytyndysy boıynsha KQK Qara teńiz floty shtabynyń ATQ -1 jáne ATQ -2 kólik qaýipsizdigi akvatorııasynda jumystar júrgizýge ruqsat beretin qorytyndysyn alady. 15-25 maýsym aralyǵynda ATQ -1 jáne ATQ -2 paıdalanylmaıdy. ATQ -3 shtattyq rejımde paıdalanylady, bul júk jóneltýshilerdiń ótinimderin oryndaýǵa múmkindik beredi», - delingen habarlamada.

Eske salsaq, osy jyldyń naýryzynda Qara teńizdegi daýyldyń saldarynan Kaspıı qubyr konsortsıýmynyń qubyr júıesine zaqym kelip, jumysy toqtap qalǵan edi. Keıin sáýirdiń aıaǵynda Kaspıı qubyr konsortsıýmynyń jumysy jandana bastady.