Kaspıı qubyr konsortsıýmy munaı eksportyn 11,2% arttyrdy

ASTANA. QazAqparat - Kaspıı qubyr konsortsıýmy 2018 jylǵy qańtar-tamyz aılarynda 40,205 mln tonna munaı eksporttady. Bul 2017 jyldyń osy kezeńimen salystyrǵanda 11,18 paıyzǵa artyq, dep habarlaıdy QazAqparat tilshisi KQK derekterine silteme jasap.

Ústimizdegi jyldyń tamyz aıynda munaı eksporttaý kólemi 4,725 mln tonnany qurady, byltyrǵy tamyzda bul kórsetkish 4,416 mln tonna bolatyn.

Kaspıı qubyr konsortsıýmy Qazaqstan munaıyn tranzıttik aımaq retindegi Reseı aýmaǵy arqyly eksporttaý úshin qurylǵan. Konsortsıýmnyń ıeligindegi 1,5 myń shaqyrymǵa sozylyp jatqan «Teńiz - Novorossıısk» qubyry Qazaqstannyń batysyndaǵy munaı kenderin Qara teńiz jaǵalaýlarymen baılanystyrady. KQK 2017 jyly 55,107 mln tonna, ıaǵnı 2016 jylǵydan 24,4%-ke artyq munaıdy eksportqa jibergen.

KQK aktsıonerleri: Reseı - 24%, «QazMunaıGaz» Ulttyq kompanııasy» AQ - 19%, Chevron Caspian Pipeline Consortium Company - 15%, LUKARCO B.V. - 12,5%, Mobil Caspian Pipeline Company - 7,5%, Rosneft-Shell Caspian Ventures Limited - 7,5%, «KTK Kompanı» - 7%, BG Overseas Holding Limited - 2%, Eni International N.A. N.V. - 2%, Kazakhstan Pipeline Ventures LLC - 1,75% - 20,75%, jáne Oryx Caspian Pipeline LLC - 1,75%.