Kaspıı qubyr konsortsıýmy qazanda tolyq qýatta jumys isteıdi - energetıka mınıstri

ALMATY. QazAqparat – QR Energetıka mınıstri Bolat Aqsholaqov 15 qazanǵa deıin Kaspıı qubyr konsortsıýmy (KQK) eki jyljymaly aılaq qurylǵysyn iske qosýdy josparlap otyrǵanyn aıtty, dep habarlaıdy QazAqparat tilshisi.

«Kaspıı qubyr konsortsıýmyna (KQK) keletin bolsaq, qalqymaly tsısternalardy aýystyrýy tıis merdigerlermen máseleler sheshildi. Birinshi qashyqtan baılaý qurylǵysy shamamen 10 qazanda aýystyrylady. Ekinshisi 15 qazanǵa deıin, ıaǵnı úsh qashyqtan baılaý qondyryǵysy tolyq iske qosylýy tıis», - dedi Bolat Aqsholaqov.

Mınıstr KQK qazaqstandyq munaı tasymaldaýdyń eń tıimdi baǵyty ekenin aıtty. Onyń pikirinshe, basqa joldar qarajat jaǵynan tıimdi emes, biraq báribir munaıdy eksporttaýǵa múmkindik beredi. Bolat Aqsholaqov «Qashaǵandaǵy» jóndeý jumystaryna qatysty saýalǵa da jaýap berdi.

«Qashaǵandaǵy jóndeý jumystarynyń birneshe sheshimi bar. Qazan aıynyń 20-na qaraı ken orny burynǵy óndirý rejımine oralady – táýligine 400 myń barrelge. Eger 15-20 qazanǵa deıin Kaspıı qubyr konsortsıýmy men «Qashaǵan» jumysyn bastasa, onda múlde problema joq», - dedi Bolat Aqsholaqov.

Aıtýynsha, iri ken ornyndaǵy jóndeý jumystaryna baılanysty táýligine 200 myń barrel shyǵyn kelgen.

Buǵan deıin mınıstr «KIOGE-2022» halyqaralyq munaı jáne gaz kórme-konferentsııasy barysynda elimizdiń energetıka salasyn damytýdyń basym baǵyttarynyń biri munaı-gaz-hımııa salasy ekenin aıtty.

Eske salsaq, maýsym aıynda Kaspıı qubyr konsortsıýmynyń munaı tasymaldaıtyn 2 qurylǵysy jumysyn ýaqytsha toqtatqan bolatyn.

Foto: svetland-oil.kz