Kaspıı qubyr konsortsıýmynyń magıstraldyq qubyrymen munaı tasymaly toqtatyldy
Kaspıı qubyr konsortsıýmynyń telegram arnasyndaǵy aqparatyna súıensek, 9 sáýirde magıstraldyq munaı qubyry nysandarynda aǵymdaǵy jóndeý bastalǵan.
«Kaspıı qubyr konsortsıýmy 9 sáýirde Teńiz-Novorossıısk magıstraldyq munaı qubyry nysandarynda aǵymdaǵy jóndeý jumystaryn júrgizýge kiristi. Munaı qubyrynyń 72 saǵatqa toqtatylýy jylyna keminde eki ret bolady. Onyń kestesi barlyq júk jóneltýshilermen, sondaı-aq Qazaqstan Respýblıkasynyń Energetıka mınıstrligimen aldyn ala kelisiledi», - dep habarlady kompanııanyń baspasóz qyzmeti.
Josparly toqtatý tehnıkalyq qyzmet kórsetýge, buryn paıdalanylmaǵan jabdyqty qaıta qosýǵa baǵyttalǵan.
«Teńiz termınalynda munaı jóneltý toqtatyldy. Ony 11 sáýirde qaıta bastaý josparlanyp otyr», - dep málim etti kompanııanyń baspasóz qyzmeti.
Eske sala ketelik, buǵan deıin Kaspıı qubyr konsortsıýmy nysandaryna jaqyn mańda jer silkingen edi.