Kaspıı qubyr konsortsıýmy nysandaryna jaqyn mańda jer silkindi

<p>ASTANA. KAZINFORM — Kaspıı qubyr konsortsıýmy Krasnodar ólkesindegi nysandary jer silkinisinen keıin shtattyq rejımde jumys istep turǵanyn habarlady.</p>

Reseı TJM-niń Krasnodar ólkesi boıynsha 24 qańtardaǵy málimetine sáıkes, Krasnodar qalasynda, Gorıachıı Klıých qalasynda jáne Krasnodar ólkesiniń Severskıı aýdanynda jerasty dúmpýleri sezilgen.

Obnınsk qalasynyń seısmıkalyq stansasy 24 qańtar saǵat 14:19-da Krasnodar ólkesiniń aýmaǵynda jer silkinisin tirkedi.

Zilzala tereńdigi — 10 shaqyrym.

Magnıtýdasy — Rıhter shkalasy boıynsha 4,4, qarqyny — 4 ball.

Krasnodar ólkesiniń aýmaǵynda Kaspıı qubyr konsortsıýmynyń bes nysany ornalasqan: NPS «Kropotkınskaıa», NPS-7, NPS-8, Rezervýar parki jáne Teńiz termınaly.

Aldyn ala tekserý qorytyndysy boıynsha, munaı qubyrynyń jelilik bóligi men munaı tasymaldaý nysandaryna zaqym kelgen joq, zardap shekkender bolmady.

Nysandar shtattyq rejımde jumys istep tur.

Turǵyndar men qorshaǵan ortaǵa qaýip joq.