«Kaspıı» fýtbol klýbynda OJJ-ǵa bólingen 27 mln teńgeden astam qarajat jymqyrylǵan

<p>AQTAÝ. KAZINFORM &ndash; &laquo;Kaspıı&raquo; fýtbol klýbynda oqý-jattyǵý jıyndaryna bólingen <strong>27 mln</strong> teńgeden astam qarajat jymqyrylǵany belgili boldy. Bul týraly Mańǵystaý oblysynyń prokýratýrasy málimdedi.&nbsp;</p>

Oblystyń sybaılas jemqorlyqqa qarsy qyzmeti UQKD-men birlesip osy faktini tergeý barysynda, klýbtyń burynǵy basshysy óziniń eki tanysymen birge, kúsh qoldaný arqyly klýbtyń qyzmetkerin aıǵaqtardy ózgertýge májbúrlegeni anyqtaldy. Sonymen qatar 15 mln teńgeni qorqytyp alýǵa árekettengen.

2024 jyldyń 3 jeltoqsanynda fýtbol klýbynyń eks-basshysyn, «K» jáne «O» esimdi azamattardy qamaýǵa alýǵa sanktsııa berildi. 

Basqa málimetter tergeý múddesi úshin jarııa etilmeıdi. 

Eske sala keteıik, buǵan deıin Konferentsııa lıgasynyń 4-týrynda elordalyq «Astana» fýtbol klýbynyń portýgalııalyq «Vıtorııa» komandasymen teń tarqasqanyn jazǵan edik.