Kaspıı flotılııasy kemeleri Aqtaý portyna keldi

NUR-SULTAN. QazAqparat – Reseı Federatsııasynyń Áskerı-teńiz flotynyń kishi artıllerııalyq «Mahachkala» kemesi men kishi gıdrografııalyq «Anatolıı Gýjvın» kemesi Aqtaý qalasy portyna dostyq saparmen keldi. Bul týraly QazAqparat QM baspasóz qyzmetine silteme jasap habarlaıdy.

Qazaqstan Áskerı-teńiz kúshteri qolbasshylyǵy Kaspıı flotılııasyna kemeler jasaǵynyń kelýi ekinshi márte ótkizilip otyrǵandyǵyn aıtady. Kezdesýdiń basty maqsaty – eki eldiń flottary arasyndaǵy áskerı yntymaqtasty nyǵaıtý jáne damytý.

Qazaqstan Áskerı-teńiz kúshteri qolbasshylyǵy men Mańǵystaý oblysy basshylyǵy Reseı Áskerı-teńiz floty ókilderin qarsy aldy. Sapar barysynda reseılik áskerı kemeler ekıpajy úshin sporttyq jarystar uıymdastyrylyp, eki eldiń áskerı qyzmetshileri fızıkalyq daıyndyqtaryn kórsetti. Sonymen qatar mádenı baǵdarlama aıasynda ólketaný murajaıynda boldy.

Qazirgi tańda Qazaqstan Áskerı-teńiz kúshteri men Reseı Federatsııasy Áskerı-teńiz floty arasyndaǵy yntymaqtastyq kadrlardy daıyndaý salasynda júrgizilýde. Sondaı-aq qazaqstandyq ofıtserler Sank-Peterbýrg qalasynyń Áskerı-teńiz akademııasynda keme komandırleri, jaýyngerlik bólim komandırleri, flagmandyq mamandary boıynsha barlyq áskerı-teńiz baǵyttarynda kýrstyq oqýdy ıgerip, qazaqstandyq kýrsanttar áskerı teńiz mamandyqtary boıynsha Reseıdiń atalmysh joǵarǵy oqý ornynda bilim alýda. Reseılik jáne qazaqstandyq Kaspıı sý aıdynynda jıi túrde birlesken oqý-jattyǵýlary ótedi.