«Kaspıı» bıylǵy birinshilikte alǵash ret jeńiske jetti

ASTANA. QazAqparat – Fýtboldan Premer-lıga komandalary arasyndaǵy el birinshiliginiń 6-týrynda Aqtaýdyń «Kaspııi» alǵashqy jeńisine qol jetkizdi, dep habarlaıdy QazAqparat tilshisi.

Kezdesý barysynda aqtaýlyq komanda qatarynan eki gol soǵyp ketti. Bul goldardy Georgıı Pantsýlaıa 16, Rýben Brıdjıdo 28-mınýttarda óziniń enshisine jazdy. Oǵan 80-mınýtta Rýslan Bolov bir golmen jaýap qaıyrdy.

Osylaısha, «Kaspıı» qarsylasynan 2:1 esebimen basym túsip, bıylǵy birinshiliktegi alǵashqy jeńisine qol jetkizdi.

Buǵan deıin aqtaýlyq komanda Kókshetaýdyń «Oqjetpesimen» sheberlik baıqasqan edi. Olar qatarynan bes oıynda jeńilistiń aşy dámin tatyp, týrnır kestesinde sońǵy oryndy mise tutyp turǵan edi. Sonyń saldarynan bas bapker Kahaber Tshadadze qyzmetinen ketti.

Endi atalǵan týrda búgin 17:00-de «Jetisý» men «Qaısar», «Shahter» men «Maqtaral» komandalary kezdesedi.

Al, 16 sáýirde «Aqsý» men «Qyzyljar», 17:00-de «Aqtóbe» men «Atyraý», 19:00-de «Astana» men «Qaırat», «Ordabasy» men «Tobyl» oınaıdy.

Eske salsaq, besinshi týrdan keıin «Qyzyljar» komandasy kósh bastap keledi.