«Kaspıı-Antıterror-2021» oqý-jattyǵýynyń kúshtik kezeńi ótkizildi
Aqtaý qalasynda Qazaqstan Respýblıkasynyń Ulttyq qaýipsizdik komıteti jáne TMD-ǵa qatysýshy memleketterdiń Terrorızmge qarsy ortalyǵy (TMD TQO) TMD-ǵa qatysýshy memleketterdiń quzyretti organdarynyń «Kaspıı-Antıterror-2021» terrorızmge qarsy birlesken oqý-jattyǵýynyń kúshtik kezeńin (budan ári – BOK) ótkizdi.
«Kaspıı-Antıterror-2021» BOK TMD TQO úılestirýshi rólimen eki kezeńde ótkizildi jáne Dostastyq elderiniń qaýipsizdik organdarynyń, arnaýly qyzmetteri men basqa da áleýetti qurylymdarynyń terrorıstik qaýipter men qaterlerge birlese qarsy is-qımyl jasaý ázirligin arttyrýǵa baǵyttaldy. Oqý-jattyǵýǵa TMD-nyń segiz memleketiniń (Armenııa, Belarýs, Qazaqstan, Qyrǵyzstan, Moldova, Reseı, Tájikstan, Ózbekstan) arnaýly qyzmetteri qatysty.
2021 jylǵy 23-26 tamyz kezeńinde ótken oqý-jattyǵýdyń birinshi kezeńi barysynda quzyretti organdar oqý jedel múddelilik obektilerine qatysty is-sharalar ótkizdi.
Arnaýly qyzmetter 50-den astam mindetti pysyqtady, 155 tekserý júrgizdi, olardyń nátıjeleri boıynsha Dostastyq memleketteriniń aýmaqtarynda oqý terrorıstik toptarynyń barlyq músheleri anyqtalyp, ustaldy. Olar daıyndaǵan terrorıstik aktilerdiń joly kesildi, qylmystyq baılanystar anyqtaldy, al qylmys quraldary alyndy.
TMD-ǵa qatysýshy memleketterdiń teńiz ınfraqurylymy men munaı-gaz salasy obektilerinde terrorıstik aktilerdi daıyndaıtyn adamdardy anyqtaý jáne beıtaraptandyrý boıynsha kelisilgen jedel-izdestirý is-sharalaryn júrgizý kezinde Dostastyq memleketteriniń qaýipsizdik organdary bólimsheleri men arnaýly qyzmetteriniń ózara is-qımyl algorıtmderi pysyqtaldy.
Jumys barysynda Dostastyq memleketteriniń qaýipsizdik organdarynyń, arnaýly qyzmetteriniń jáne quqyq qorǵaý organdarynyń ujymdyq paıdalanýyndaǵy mynadaı aqparattyq júıeler:
- TMD TQO mamandandyrylǵan derekter banki;
- Terrorızmge qarsy is-qımyl jónindegi halyqaralyq derekter banki;
- TMD memleketteriniń qaýipsizdik organdary men arnaýly qyzmetteriniń birikken derekter banki;
- TMD daktıloskopııalyq aqparatynyń birikken derekter banki (DABD) qarqyndy túrde iske qosyldy.
Qazaqstan Respýblıkasynyń aýmaǵynda oqý-jattyǵýdyń ekinshi kezeńi barysynda terrorızmge qarsy operatsııany basqarý jónindegi respýblıkalyq jedel shtabtyń basshylyǵymen kúshter men quraldardy josparlaýdy uıymdastyrý, sondaı-aq terrorızmge qarsy is-sharalardy ótkizý jaǵdaıynda organdar men bólimshelerdi turaqty jáne úzdiksiz basqarýdy qoldaý jónindegi mindetter pysyqtaldy.
Qazaqstan Respýblıkasy UQK «A» AMQ jáne ShQ, Ulttyq ulannyń «Búrkit», ІІM «Suńqar» arnaıy bólimshelerin, Qorǵanys mınıstrliginiń arnaıy operatsııalar kúshterin jáne Reseı FQQ AMO-ny tarta otyryp, «Aqtaý» teńiz portynyń sý aılaǵynda «Burǵylaý qondyrǵysy» jáne «Kanýѕh Satpayev kemesi» obektilerinde kepildikke alynǵandardy bosatý jáne shartty terrorısterdi beıtaraptandyrý boıynsha jedel-jaýyngerlik is-sharalar ótkizildi. Qazaqstan Respýblıkasy TJM bólimsheleri terrorıstik aktiniń saldaryn joıý boıynsha
is-qımyldardy kórsetti.
«Kaspıı-Antıterror-2021» oqý-jattyǵýynyń qorytyndylary boıynsha Qazaqstan Respýblıkasy Ulttyq qaýipsizdik komıtetiniń jáne TMD-ǵa qatysýshy memleketterdiń Terrorızmge qarsy ortalyǵynyń basshylyǵy barlyq jumyldyrylǵan bólimshelerdiń is-qımylyna oń baǵa berdi. Oqý-jattyǵý maqsatyna qol jetkizildi.
TMD-ǵa qatysýshy memleketterdiń quzyretti organdarynyń BOK Dostastyq elderiniń praktıkalyq ózara is-qımyl júıesiniń mańyzdy quramdas bóligi bolyp tabylady. Olardyń negizgi maqsaty TMD-ǵa qatysýshy memleketterdiń qaýipsizdik organdarynyń, arnaýly qyzmetteriniń jáne basqa da áleýetti qurylymdarynyń terrorıstik qaýipter men qaterlerge birlesip qarsy is-qımyl jasaý ázirligin arttyrý bolyp tabylady. Táýelsiz Memleketter Dostastyǵyna qatysýshy memleketterdiń aýmaqtarynda terrorızmge qarsy birlesken is-sharalardy uıymdastyrý jáne ótkizý tártibi týraly ereje jáne úsh jylǵa qabyldanatyn Terrorızmge jáne ekstremızmniń ózge de zorlyq-zombylyq kórinisterine qarsy kúrestegi TMD-ǵa qatysýshy memleketterdiń yntymaqtastyq baǵdarlamasy olardy TMD-da ótkizýdiń quqyqtyq negizi bolyp tabylady.
2001 jyldan bastap TMD TQO bastamasymen 16 oqý-jattyǵý uıymdastyryldy, olardyń árqaısysynyń taqyryby Dostastyq memleketterindegi jáne álemniń basqa da óńirlerindegi terrorıstik qaýip-qaterlerdiń jaı-kúıin, úderisin jáne taralý úrdisin eskere otyryp qalyptastyryldy.
Qazaqstan aýmaǵynda oqý-jattyǵýlar tórtinshi ret ótýde («Kaspıı-Antıterror-2005», «Baıqońyr-Antıterror-2007», «Jetisý-Antıterror-2014», «Kaspıı-Antıterror-2021»).