«Kaspi-juma» men «0-0-24» tujyrymy zerttelip jatyr — UB

<p>ASTANA. KAZINFORM &mdash; Qarjy naryǵyn retteý jáne damytý agenttigi Ulttyq bankpen birlesip, Kaspi Bank-tiń bólip tóleý jarnamasyndaǵy &laquo;0-0-24&raquo; tujyrymyn zerdelep jatyr. Vedomstvo mundaı tujyrym kezinde turǵyndarǵa onyń sharttary jaıly tolyqqandy aqparat berilýi tıis dep sanaıdy.</p>

«Jarnamany retteýge qatysty aıtar bolsaq, jarnama — bul saýdanyń qozǵaýshy kúshi. Al saýda — bul ekonomıkanyń úlken bóligi. JІÓ-niń 17 paıyzy — bul saýda. Múldem shekteý aqylǵa qonymsyz bolar edi. Degenmen, Qarjy naryǵyn retteý jáne damytý agenttiginiń «0-0-24» standartty tsıfry halyq úshin tolyq jazylýyna qatysty jospary bar ekendigin bilemiz. Óıtkeni, 3 tsıfrdy kórgen kezde mán-jaıyn jete túsinbeısiń, qarjylyq saýattylyqtyń mundaı deńgeıi joq. Árıne, sodan keıin shamań jetpeıtin sheshimdi qabyldaýyń múmkin. Osy oraıda biz sheshim qabyldaýǵa qatysamyz, kómektesemiz. Menińshe, tyıym salýǵa bolmaıdy. Biraq, adamdar ne istep jatqanyn, sharttary qandaı ekenin, ol úshin qandaı tólem jasaıtyndyǵyn bilýi úshin ashyqtyq qajet», — dedi Ulttyq bank tóraǵasy Tımýr Súleımenov elordada ótken brıfıngte.

Onyń paıymynsha, «Kaspi-juma» jarnamasy tabandy, biraq agressııashyl emes. Tańdaý tutynýshynyń erkinde.

Jalpy, Tımýr Súleımenovtiń paıymynsha, tutynýshylyq nesıe naryǵy, kepilsiz tutynýshylyq naryq qosymsha retteýdi qajet etedi.