Kaspi Bank-ke shabýyl jasaǵan kúdikti ІІM basshysymen qalaı kelissóz júrgizgenin aıtty
Aıypty tergeý kezinde bank bólimshesine shabýyl jasaýdy 17 maýsymda josparlap, ǵımaratqa kelgenin aıtty. Degenmen ol aıaq astynan oıynan bas tartqan. Sóıtip 18 maýsym kúni qaıta kelgen.
«Banktiń eń jaqyn bólimshesin 2GIS arqyly taptym. Kútpegen jerden bankke barǵym keldi. Men Kaspi Bank-tiń osy fılıalyna barýdy josparladym. Uıaly telefonymnyń qýaty bitip, jaqyn mańdaǵy dúkenge bardym, sodan soń bank bólimshesine bardym. Ol jerde adam kóp boldy, sondyqtan eshkim zardap shekpesin dep oıymnan bas tarttym», - dedi Álıhan Mýradov sot barysynda. Sondaı-aq, sottalýshy bank ǵımaratyna shabýyl jasaǵan kezde esirtki qabyldamaǵanyn, biraq syra ishkenin aıtty. «Kaspıı bank aktıvteriniń bir bóligin qaıyrymdylyq qory shottaryna aýdarýdy suradym. Bankke shabýyl jasaýdan birneshe kúni buryn dosymnyń qyzy qaıtys boldy. Maǵan bireýin ustap turý jetkilikti dep oıladym», - deıdi ol.
Odan bólek, tergeýshi Á.Mýradovtan Іshki ister mınıstri júrgizgen kelissóz týraly surady.
«Men onyń mınıstr ekenin bilmedim. Kepilge alǵan qyzdan ınternetten onyń kim ekenin qarap berýdi suradym, sodan keıin ǵana kim ekenin túsindim. Sosyn mınıstr ózin tanystyryp, óz-ózime kelýimdi surady. Sonymen qatar kepilge alǵan azamattardy bosatsam, olardyń ornyna ózi qalatynyn aıtty. Mende mınıstrdi kepilge alý týraly oı bolǵan emes. Mınıstr kelgennen keıin istiń nasyrǵa shapqanyn túsindim», - degen jaýap qatty aıypty.
Sot otyrysy jalǵasyp jatyr.
Eske sala ketsek, bıyl 18 maýsymda qarýlanǵan er adam elordadaǵy Kaspi bank ǵımaratynda birneshe kisini tutqynda ustap otyrdy.
Araǵa ýaqyt salyp atalǵan banktiń baspasóz qyzmeti ǵımaratta klıentterdiń joqtyǵyn jáne polıtsııa qyzmetkerleriniń kúdiktimen kelissóz júrgizip jatqanyn málimdedi.
Oqıǵa ornyna Іshki ister mınıstri Marat Ahmetjanov bardy.
Polıtsııa qyzmetkerleri kepildegi azamattardy bosatyp aldy.
23 tamyzda Kaspi Bank ǵımaratyna jasalǵan shabýyl boıynsha qylmystyq is sotqa jetkenin habarlaǵan edik.
Aıta ketsek, 29 tamyzda ótken alǵashqy sot otyrysynda Kaspi Bank ǵımaratyn basyp alǵan jigit onyń aldynda ózin óltirý úshin dári ishkeni belgili boldy.
Odan bólek, Kaspi bank qyzmetkeri ǵımaratqa shabýyldaý oqıǵasyn bastan-aıaq aıtyp bergen edi.