Keshe kúndiz jasóspirimder taý bókterimen kóterilip kele jatyp, jartasty jyraǵa túsip ketken. Habarlama toptyń bir qatysýshysynan kelip túsken, geolokatsııa derekteri belgili boldy.
Oqıǵa ornyna QR TJM Respýblıkalyq jedel-qutqarý jasaǵynyń toby shyqty. Qutqarýshylardyń quramynda kınolog jáne qajetti jabdyq boldy.
- Taý jotasynyń kúrdeli, tasty bederine baılanysty zardap shekkenderge jetý 4 saǵattan astam ýaqyt aldy. Keri qaıtý jolyn jartasty bókterler men qarańǵy ýaqyt qıyndatqanymen, barlyq jasóspirimder qutqarý tehnıkasyna aman jetkizildi, - delingen aqparatta.
Medıtsınalyq kómek qajet bolǵan joq.
Aıta keteıik, Ordjonıkıdze shyńynda jaraqattanǵan alpınıst tikushaqpen qutqaryldy.