Qasqyr sarqyramasy men Mylqaý aýyl: Aqtóbede ekotýrızm damyp keledi

<p>AQTÓBE. KAZINFORM &ndash; Aqtóbe oblysy Qarǵaly aýdanyndaǵy Qasqyr sarqyramasyna kóktemde táýligine 500, keıde 1 000 adam baryp, tynyǵady. Jergilikti ákimdik aldaǵy ýaqytta &laquo;Qarǵaly aýdanynyń 7 keremeti&raquo; týrmarshrýtyn jasaýdy josparlap otyr.</p>

Qarǵaly aýdany qazir kelýshilerge arnap Mylqaý aýyl da daıarlap qoıǵan.

Foto: Altynaı Saǵyndyq

Munda kelýshiler taý-tas pen onyń etegine jınalǵan sýdy tamashalap, tabıǵat aıasynda tynyǵa alady. Jergilikti turǵyndar buryn munda kóripkel turǵanyn, ol ózi sóılemese de aıtpaq oıyn bir áıel arqyly jetkizetinin ańyz etip aıtady.

Foto: Altynaı Saǵyndyq

Taǵy bir nusqada aýyldan adamdar kóshkende, tek baqtashy Rataı ǵana qalǵan. Al ol bolsa mylqaý bolǵan. Sodan bul mań Mylqaý aýyl atanyp ketken.

Foto: Altynaı Saǵyndyq

Aşylysaı aýyldyq okrýgine qarasty Qasqyr sarqyramasy bolsa, aqtóbelikter men kórshi reseılikter jıi tynyǵatyn orynǵa aınaldy.

Foto: Altynaı Saǵyndyq

- Qarǵaly shaǵyn aýdan bolǵanymen, tabıǵaty ekotýrızmge suranyp tur. Qazirgi kezde «Qarǵalynyń 7 keremeti» dep tizim jasap jatyrmyz. Oǵan Qasqyr sarqyramasy, Mylqaý aýyly, elimizdiń batysyndaǵy eń úlken Qarǵaly sý qoımasy kiredi. Sonymen birge kıeli jerlerdi de osy qatarǵa qosamyz. Qazir negizgi usynystary qaralyp, taldaý jasalyp jatyr, - dedi Qarǵaly aýdany ákiminiń orynbasary Bekzat Badaqov. 

Foto: Altynaı Saǵyndyq

Aıta keteıik, osydan eki jyl buryn aýmaq sharýa qojalyǵyna berildi. «Bıznestiń jol kartasy-2025» baǵdarlamasy aıasynda jalpy somasy 49,4 mln teńgege ınfraqurylymdy damytý jumysyn júrgizildi. Osy memleketik baǵdarlama aıasynda «Baıqula» ShQ jalpy somasy 5 mıllıon teńgege grant ta utyp aldy. Oǵan kıiz úı, 2 glempıng, katamaran jáne qaıyq satyp aldy. Sarqyramaǵa baqylaý kópiri salyndy. Munda monsha da bar.

Foto: Altynaı Saǵyndyq

- Negizi 1-10 mamyr aralyǵynda sarqyramanyń qýaty kúshti bolady. Sol kezde oblystan kóp adam keledi. Shamymen táýligine 500-1000 adam bolady munda. Reseıden, elimizdiń ózge oblysynan da kelip jatyr. Qazirgi kezde de basqa qalalardan adamdar jıi at basyn burady. Juma-jeksenbi kúnderi aralyǵynda bul oryndar bos bolmaıdy. Bir aıtarymyz, týrısterdiń mádenıeti túzelse deımiz. Adamdar ákelgen sýsyndarynyń qutysyn tastap, qoqysty shashyp ketedi. Osy aýmaqta jaýapty sharýa qojalyǵynyń qyzmetkerleri bolsa kún saıyn jınap, tazalyq saqtap otyr, - dedi Bekzat Badaqov.

Foto: Altynaı Saǵyndyq

Qasqyr sarqyramasy Aqtóbe qalasynan 120 shaqyrym qashyqtyqta ornalasqan. Munda adamdardy týroperatorlar ákeledi, kóbi óz kóligimen qatynaıdy. Eger týrmarshrýt ázirlense, kelýshilerdiń baǵytty tańdap, qyzmet túrin irikteýine múmkindigi bolady. 

Statıstıkaǵa súıensek, byltyr Aqtóbe oblysyna 185 myńnan astam adam keldi. Onyń 23 myńnan astamy sheteldik. Al bıyl úsh aıda 5 myń sheteldik týrıstiń kelgeni tirkeldi.