Qaskeleńde kólik dóńgelekterin saqtaıtyn qoıma otqa orandy

QASKELEŃ. QazAqparat - Almaty oblysynda dóńgelek qoımasy janyp ketti, dep habarlaıdy QazAqparat Tótenshe jaǵdaı mınıstrligine silteme jasap.

9 sáýirde tańǵy saǵat 07.20-da Qaskeleń qalasynyń № 5 órt sóndirý bólimine Qarasaı aýdanynyń Jarmuhanbet aýylynda Maqataev kóshesi boıyndaǵy qoımada (jalpy aýdany - 1600 sharshy metr) 700 sharshy metr alańda avtomobıl shınalary janǵany týraly habar tústi.

Órt odan ári 64 sharshy metr alańdaǵy ákimshilik ǵımaratqa taraǵan.

Oqıǵa ornyna shaqyrýdyń joǵary rang boıynsha dereý órt sóndirý bólimsheleri jiberildi.

Eń jaqyn órt sóndirý bólimi oqıǵa ornynan on shaqyrym qashyqtyqta, órt gıdranty bes shaqyrym qashyqtyqta ornalasqan.

Qabyldanǵan sharalardyń arqasynda órt saǵat 09.08-de oqshaýlanyp, saǵat 13.45-te 764 sharshy metr alańda tolyq sóndirildi.

Órt týraly kesh habarlanýy, sondaı-aq ekpini sekýndyna 4-6 metrge jetetin jel órttiń osynsha úlken aýmaqqa taralýyna sebep boldy.

Qaza tapqandar men zardap shekkender joq. Órt sóndirýshilerdiń úılesimdi is-qımylynyń arqasynda jalpy aýdany 1400 sharshy metr avtomobıl shınalary bar qoıma aman qaldy.

Órttiń jeke turǵyn úılerge kóshý qaýpi joq.

Órttiń aldyn ala sebebi – elektr symynyń qysqasha tuıyqtalýy.

Osy fakt boıynsha QR QK 292-babynyń 1-bóligi boıynsha qylmystyq is qozǵaldy.