Qaskeleńde Qarasaı batyrǵa eskertkish qoıyldy

QASKELEŃ. QazAqparat - Almaty oblysy Qarasaı aýdanynyń 90 jyldyǵyn merekeleý aıasynda Qaskeleń qalasyndaǵy ortalyq alańǵa dańqty Qarasaı batyrdyń 11 metrlik eńseli eskertkishi turǵyzyldy. Eskertkish jergilikti metsenattar men kásipkerlerdiń qoldaýymen jasaldy, dep habarlaıdy QazAqparat óńir basshysynyń baspasóz qyzmetine silteme jasap.

Onyń ashylý saltanatynda aýdan turǵyndary men qonaqtaryn quttyqtaǵan oblys ákimi Amandyq Batalov:

- Elbasynyń «Rýhanı jańǵyrý: bolashaqqa baǵdar» atty baǵdarlamalyq maqalasy sheńberinde oblysta tarıhı qundylyqtarymyzdy saqtaýǵa, uly tulǵalarymyzdyń esimin qurmetteýge baǵyttalǵan aýqymdy sharalar atqarylýda. Búgin, mine, Qarasaı aýdanynyń 90 jyldyǵyna oraı aty ańyzǵa aınalǵan qaharman Qarasaı batyrǵa arnap eskertkish ashyp otyrmyz. Bul keıingi jastardy eljandylyqqa tábıeleýge qosylǵan úlken úles dep bilemiz», - dep atap ótti.

Munan soń olımpıada chempıony, Qazaqstannyń Eńbek Eri Jaqsylyq Úshkempirov jáne aýdan turǵyndary men qonaqtary mereıli merekemen kópshilikti quttyqtady. Sondaı-aq, aýdanda jasalyp jatqan ıgi ister, sonyń ishinde Qarasaı aýdanynyń áleýmettik-ekonomıkalyq damýyndaǵy demeýshi metsenat azamattardyń eleýli eńbegi jaıly da aıtyldy.

Bata berilip, eskertkishtiń shymyldyǵy túsirildi, kópshilik batyrǵa taǵzym etip, gúl shoqtaryn qoıdy.

Eskertkishtiń avtory - Núrken Dáýkenov. Jalpy bıiktigi – 11 metr.