Qaskeleńde áıel perzenthana terezesinen sekirip ketti: Polıtsııa tergeýge kiristi

QONAEV. QazAqparat – Qaskelende sábıinen aıyrylǵan áıel perzenthananyń úshinshi qabatynan sekirip ketti, dep habarlaıdy QazAqparat tilshisi.

Almaty oblystyq Polıtsııa departamentiniń málimetinshe, 10 tamyz kúni Qarasaı aýdandyq polıtsııa basqarmasyna Qaskeleń qalasyndaǵy ortalyq aýrýhanadan 37 jastaǵy K.esimdi áıeldiń perzenthana bólimshesiniń úshinshi qabatynan sekirgeni týraly habarlama tústi. Atalǵan derek QR Qylmystyq kodeksiniń 105-baby boıynsha aýdandyq polıtsııada tirkeldi.

«Sotqa deıingi tergeý barysynda ol ishtegi nárestesiniń shetinep ketýine baılanysty óz-ózine qol salǵysy kelgendigin, medıtsına qyzmetkerlerine shaǵymy joqtyǵyn aıtty. Qazirgi ýaqytta tirkelgen faktiniń obektıvtiligin, jan-jaqtylyǵyn jáne tolyqtyǵyn qamtamasyz etý maqsatynda sotqa deıingi tergeý júrgizilip jatyr»,- dep habarlady polıtsııadan.Buǵan deıin aýdandyq aýrýhana ákimshiligi atalǵan oqıǵaǵa qatysty túsinik bergen edi.«37 jastaǵy patsıent áıel operatsııadan keıin 4 kún reanımatsııada boldy. Bosanǵannan keıin qatty kúızeliske túsip, emdelýden bas tartty, ózin agressıvti ustady. Ony barlyq arnaıy mamandar: anestezıolog-reanımatolog, neırohırýrg, travmatolog, hırýrg tekserdi. Barlyq qajetti saraptamalar jasalyp, tolyqtaı emdelip jatyr», - degen bolatyn aýrýhana ákimshiliginen.