Kásiptik biliktilikti rastaıtyn qujat bilim týraly dıplommen teń paıdalanylatyn bolady
Qujatty tanystyrǵan QR Eńbek jáne halyqty áleýmettik qorǵaý vıtse-mınıstri Oljas Ordabaevtyń atap ótýinshe, bul zań jobalaryn qabyldaý eńbek naryǵy men bilim berý júıesiniń baılanysyn nyǵaıtatynyn, sondaı-aq jumys kúshine qoıylatyn tez ózgeretin talaptarǵa jaýap berýge múmkindik jasaıdy.
«Tehnologııalyq progresti jedeldetý jáne ekonomıkany tsıfrlandyrý Qazaqstandaǵy eńbek resýrstarynyń sapasyna jańa talaptar qoıady. Aıta ketý kerek, buryn bilim 10 jyl boıy biliktilikti arttyrýsyz ózekti boldy. Búginde kóptegen mamandyqtar boıynsha daǵdylardyń ózektiligi 2 jyl boıy ǵana saqtalyp otyr»,-dedi Oljas Ordabaev.
Vıtse-mınıstrdiń aıtýynsha, Ulttyq biliktilik júıesi (budan ári-UBJ) kelesi suraqtarǵa jaýap beredi: Zamanaýı mamandar neni bilýi jáne meńgerýi tıis? Bul úshin olardy ne jáne qalaı oqytý kerek? Olardyń kásiptik biliktiligin qalaı tanýǵa bolady?
«Bul suraqtarǵa jaýaptar Ulttyq kásipter synyptaýyshy, Ulttyq biliktilik sheńberi jáne onyń negizinde ázirlengen salalyq biliktilik sheńberleri men kásiptik standarttar sııaqty quraldardyń kómegimen qalyptastyrylatyn bolady», - dep túsindirdi ol.
Búgingi tańda 623 kásiptik standart jumys isteıdi. olar 2689 mamandyqty qamtıdy. Olarda belgilengen talaptar negizinde bilim berý uıymdary bilim berý baǵdarlamalaryn ázirleıdi. Osylaısha, jumys berýshilerdiń talaptaryna sáıkes keletin kadrlardy daıarlaý qamtamasyz etiledi.
Zań jobasynyń mańyzdy jańalyǵy - óz betinshe ıgerilgen daǵdylardy, sondaı-aq beıresmı jáne aqparattyq bilim berý nátıjelerin taný.
«Azamattar tıisti ortalyqtarda kásiptik biliktiliginiń bar ekenin rastaıtyn qujatty ala alady jáne eger bul kásiptik standartta kózdelgen bolsa, bul qujatty jumysqa ornalasý kezinde bilim týraly dıplommen teń paıdalana alady», - dep atap ótti spıker.