Kásiporyndardyń júktemesin aldaǵy 2 jylda óz qýatyna jetkizýge barynsha tyrysamyz - Áset Isekeshev
Bul týraly Indýstrııa jáne jańa tehnologııalar mınıstri Áset Isekeshev búgin Almatyda ındýstrııalandyrý kartasyndaǵy jobalarmen tanysý kezinde aıtty.
«2010-2014 jylǵa arnalǵan ındýstrııalyq-ınnovatsııalyq damý baǵdarlamasyna Almaty qalasynan 28 joba engen bolatyn. Áset Isekeshevtiń aıtýynsha, 2010 jyly iske qosylǵan 4 joba 50 paıyzdan astam, 2011 jyly iske qosylǵan 9 jobanyń tórteýi 50 paıyzdan astam, al beseýiniń júktemesi budan da tómen bolyp otyr. Ony Indýstrııa jáne jańa tehnologııalar mınıstrligi óziniń ádistemesi arqyly jasaǵan saraptama arqyly anyqtaǵan.
«Bul ádisteme «Tehnologııalyq kúrdelik deńgeıi» dep atalady. Onda tehnologııalyq kúrdelilik, óńdeý tereńdigi, qosymsha qun, energııalyq sıymdylyq sııaqty ózge de ólshemder eskerildi. Munda negizgi másele jobalardyń óńdeý tereńdigi bolyp otyr. Almatydaǵy 28 jobanyń altaýy tehnologııalyq kúrdeliliktiń úshinshi deńgeıinde, al 22-si tórtinshi-besinshi deńgeıdegi jobalar», - deıdi Áset Oryntaıuly.