Kásiporyndarda energııa únemdeý boıynsha jaýapty adamdar bolady – zań jobasy

NUR-SULTAN. QazAqparat – Búgin QR Parlamenti Májilisinde «Qazaqstan Respýblıkasynyń keıbir zańnamalyq aktilerine energııa únemdeý jáne energııa tıimdiligin arttyrý máseleleri boıynsha ózgerister men tolyqtyrýlar engizý týraly» zań jobasy tanystyryldy, dep habarlaıdy QazAqparat tilshisi.

Zań jobasy energııa únemdeý jáne energııa tıimdiligin arttyrý salasyndaǵy zańnama normalaryn jetildirýge baǵyttalǵan. Jalpy Zańnyń 9-babyna ózgeris engizilip, 2 jańa bappen tolyqtyrý kózdelgen.

Negizgi baǵyttar, ol Memlekettik energetıkalyq tizilim, energııa aýdıti, memlekettik baqylaý, bıýdjet sektory jáne óńirlik saıasat.

«Birinshiden, iri kásiporyndarda energııa únemdeý máseleleri boıynsha jaýapty tulǵalardy engizý usynylady, olar energııa menedjerleriniń rólin atqarmaq. Sonymen qatar, energetıkalyq tizilim aıasynda jeke sektor úshin aqparat tizbesin ońtaılandyrý usynylady. Bul rette, memlekettik sektor úshin - benchmarkıng júrgizý jáne usynymdar daıyndaý maqsatynda avtomattandyrylǵan jylý pýnktimen jaraqtandyrylýy týraly, sondaı-aq basqa aqparatpen tolyqtyrý jolymen ony keńeıtý usynylady», - dedi Indýstrııa jáne ınfraqurylymdyq damý vıtse-mınıstri Amanııaz Erjanov.

Ekinshiden, energııa aýdıtorlaryna úmitkerlerdi attestattaý boıynsha fýnktsııalardy qyzmetkerlerdiń laıyqtylyǵyn rastaý jónindegi organdarǵa berý usynylady (búgingi kúnge attestattaýdy ýákiletti organ júrgizedi).

«Bul shara sala sarapshylarynyń kásibı deńgeıin arttyrýǵa yqpal etedi. Nátıjesinde, júrgiziletin energııa aýdıtteriniń sapasy jaqsarady. Budan bólek, zań jobasynda energııa aýdıtterin mindetti, maqsatty jáne jedel energııa aýdıti etip jikteýdi engizý kózdeledi», - dedi vıtse-mınıstr.