Kásiporyndar shyǵaryndy monıtorınginiń avtomattandyrylǵan júıesin ornatýǵa mindetti
«Kúshine engen jańa Ekologııalyq kodeks úlken energetıkalyq aýysýǵa kásiporyndardy kezeń-kezeńimen daıyndyq jumystaryna yntalandyrýǵa baǵyttalǵan. Kásiporyndarǵa ekologııalyq tólemderden tolyqtaı bosatý esebinen óndiristi jańǵyrtý múmkindigi usynylyp otyr. Óz kezeginde iri óndiristik kásiporyndar 2023 jyldyń 1 qańtarynan shyǵaryndylar monıtorınginiń avtomattandyrylǵan júıesin ornatýǵa mindetti. Bul bizge atmosfera aýasynyń jaıkúıi týraly obektıvti kartınany alýǵa kómektesedi. Úkimetten osy talaptyń der ýaqytyly ári sapaly oryndalýyn qamtamasyz etýdi ótinemin», - dedi Memleket basshysy.
Prezıdent aýmaqtardy kógaldandyrý jáne jańa alqaptarǵa aǵash otyrǵyzý mańyzdy mindetterdiń biri ekendigine nazar aýdartty.
«Meniń tapsyrmammen 2025 jylǵa deıin elimiz boıynsha eki mıllıard aǵash otyrǵyzý josparlanyp otyr. Ótken jyly 138 mıllıon, al bıyl 280 mıllıon aǵash egildi. Alaıda bul qarqyn jetkiliksiz, ony jyldamdatý qajet. Keńes múshelerin atalǵan bastamany qoldap, osy iske eleýli úles qosýǵa shaqyramyn», - dedi Qasym-Jomart Toqaev.