Kásiporyndar gazǵa kóshkende kógildir otyn tapshylyǵy artady - mınıstr
«Іshki naryqta gaz tutyný turaqty ósip jatyr. 2017-2021 jyldar aralyǵynda 13,8-den 18,6 mlrd tekshe metrge deıin 4,8 mlrd tekshe metrge ósti. Gaz tutyný boıynsha jyldyq ortasha ósim - shamamen 7 paıyz. Tutynýdyń serpindi ósýi aıasynda 2025 jylǵa qaraı shamaly gaz tapshylyǵyn boljap otyrmyz. Alaıda eger taý-ken metallýrgııa kásiporyndarymyz kómirden gazǵa belsendi kóshetin bolsa, onda tapshylyqtyń kólemi eleýli bolmaq. Osy jaǵdaıda elimizdiń resýrstyq bazasyn tolyqtyrý máselesi týyndaıdy. Ol úshin gaz barlaý, óndirý jáne óńdeý sııaqty barlyq kezeńde gaz jobalary úshin preferentsııalar qajet. Budan basqa, jer qoınaýyn paıdalanýshylar úshin yntalandyrý baǵasyn berý máselesi pysyqtalyp jatyr», - dedi mınıstr..
Onyń aıtýynsha, Qazaqstanda óndiriletin gaz qurylymy boıynsha negizinen ilespe munaı gazy sanalady. ıAǵnı, ony kádege jaratý munaı óndirý qarqyny men kólemine áserin tıgizedi.
«Qazaqstanda gaz óndirýdiń 80 paıyzdan astamyn Qarashyǵanaq, Qashaǵan jáne Teńiz jobalary qamtamasyz etedi. 2021 jyldyń qorytyndysy boıynsha shıki gaz óndirý 53,8 mlrd tekshe metrdi qurady. Onyń ishinde gaz óndirýdiń 81 paıyzy úsh iri jobanyń úlesine tıesili. Bul rette jalpy óndirilgen gazdyń 32 paıyzy jer qyrtysynyń qysymyn ustap turý úshin qabatqa keri aıdaldy, 20 paıyzy jer qoınaýyn paıdalanýshylardyń óz muqtajdaryna, elektr energııasyn óndirýge jáne kádege jaratýǵa paıdalanyldy. Sondaı-aq 48 paıyzy taýarlyq gazǵa qaıta óńdeldi», - dedi Bolat Aqsholaqov.