Kásipodaqtar federatsııasynyń delegatsııasy Ankarada boldy
QRKF tóraǵasy Satybaldy Dáýletalınniń TÜRK-İŞ prezıdenti Ergýn Atalaımen kezdesýi barysynda Qazaqstan men Túrkııanyń ulttyq kásipodaqtar ortalyqtary arasynda 2019 jyly jasalǵan Kelisim aıasynda odan ári yntymaqtastyq máseleleri talqylandy.
Qazaqstan Respýblıkasy Kásipodaqtar federatsııasynyń kásipodaq qozǵalysynyń damýyna qosqan úlesin atap ótip, TÜRK-İŞ prezıdenti Túrik kásipodaqtary konfederatsııasy atynan Kásipodaqtar federatsııasyna Halyqaralyq kásipodaqtar konfederatsııasyna múshelikti qalpyna keltirý máselesinde qoldaý bildirdi.
Ergýn Atalaı atap ótkendeı, Qazaqstan Respýblıkasy Kásipodaqtar federatsııasynyń jumyskerlerdiń áleýmettik jáne eńbek quqyqtaryn qorǵaýdaǵy, áleýmettik áriptestikti tıimdi damytýdy alǵa bastyrýdaǵy tájirıbesi men is-áreketi, sondaı-aq Ortalyq Azııa aımaǵyndaǵy berik róli halyqaralyq kásipodaq qaýymdastyǵy músheleri úshin kórneki úlgi bolyp tabylady.
Taraptar áleýmettik ádilettilik qaǵıdalaryn alǵa bastyrý men qazaqstandyq jáne túrik kásipodaqtary músheleriniń áleýmettik-eńbek quqyqtaryn qorǵaý boıynsha tájirıbe almasý boıynsha ózara is-árekettiń perspektıvalaryn talqylady.
Mýnıtsıpaldyq jáne qoǵamdyq qyzmetter qyzmetkerleriniń salalyq kásipodaǵy qalalyq uıymynyń basshylyǵymen ótken jıynda kásipodaq uıymdarynyń qyzmeti jan-jaqty talqylandy. QRKF delegatsııasynyń jumys sapary aıasynda «Altindag Belediyesi» kásipornynda túrik astanasynyń turǵyn úı-kommýnaldyq salasynyń qyzmetkerlerimen kezdesý ótti, ujymdyq sharttyń talaptary jáne uıym aıasyndaǵy áleýmettik áriptester arasyndaǵy ózara is-áreket máseleleri talqylandy. Qazaqstandyq delegatsııa Ankara kommýnaldyq kásiporyndarynyń jumys jaǵdaıymen tanysty.
Kásipodaq músheleriniń kásibı biliktiligin kezeń-kezeńimen arttyrý jáne birlesken konsýltatsııalar ótkizý múmkindikteri QRKF delegatsııasynyń Ankaradaǵy kásiptik biliktilik basqarmasyndaǵy áriptesterimen kezdesýi barysynda qarastyryldy.