Kásipodaqtar federatsııasy úshin eńbek daýlarynyń aldyn alý boıynsha áleýetti jaqsartý mańyzdy – Dáýren Abaev
«Pandemııa, ekonomıkalyq ósýdiń baıaýlaýy, karantındik shekteýler álem elderi úkimetiniń aldyna jańa mindetter qoıdy. Іshki syn-qaterlerge jedel jaýap bere otyryp, bıliktiń qoǵamdyq suranystarǵa jaýap berýi jáne qanaǵattandyrý qabileti mańyzdy bola túsýde. Bul úshin tek atqarýshy organdardyń bolýy jetkiliksiz ekenin bárimiz túsinemiz. Sondyqtan áleýmettik seriktestik mehanızmi, memleket pen azamattardyń, úkimettik emes sektordyń ekijaqty ózara árekettesý júıesiniń balamalary joq. Kásipodaqtar federatsııasy – Qazaqstandaǵy eń kóp ınstıtýtsıonaldyq turǵyda damyǵan qoǵamdyq birlestikterdiń biri. Jalpy saıası ómirde, ekonomıkalyq, áleýmettik, rýhanı jáne mádenı baǵdarlamalardy júzege asyrýda onyń alar orny erekshe», - deıdi QR Prezıdenti Ákimshiligi Basshysynyń birinshi orynbasary Dáýren Abaev.
Ol búgingi kúni kásipodaqtardyń áleýeti orasan zor resýrstarǵa ıe ekenin aıtty.
«2017 jyldan bastap federatsııany basqarý júıesi aıtarlyqtaı reformalanyp, onyń múmkindikteri keńeıtilip, azamattardyń áleýmettik, ekonomıkalyq, eńbek quqyqtary men múddelerin qorǵaıtyn keńes quryldy. Árıne, eń aldymen kásipodaqtar federatsııasy eńbekke qatysty daý-damaılardy sheshýdiń basty bastamashysyna aınalýy kerek. Jumysshylardyń quqyqtaryn júıeli túrde júzege asyrý arqyly ǵana áleýmettik qyzmetkerlerdiń kúmáni men senimsizdigin joıýǵa bolady. Federatsııa úshin eńbek daýlaryn boldyrmaý úshin, ásirese iri kásiporyndarda, óziniń áleýetin jaqsartý óte mańyzdy. Áleýmettik seriktestik jónindegi ekijaqty komıssııa sheńberinde fýnktsııalardy naqty bólip, onyń oryndalýyn turaqty baqylaýdy qamtamasyz etý qajet. Bul Federatsııanyń tıisti mınıstrliktermen jáne ákimdiktermen jumysshylardyń deldaldyǵy boıynsha birlesken jumys úshin ózara is-qımylynyń naqty algorıtmin qalyptastyrýǵa múmkindik beredi. Bizge barlyq deńgeıdegi kásipodaqtar arasyndaǵy zamanaýı qoljetimdi aqparattyq baılanys qajet. Aqparattyq keńistikte qoǵammen ózara árekettesýdiń syndarly arnalaryn qurý qajettiligi seziledi», - deıdi ol.