Kásipqoı boks: Qytaıdaǵy qandasymyz chempıondyq tıtýlyn qorǵap qaldy
20:10, 27 Mamyr 2019
NUR-SULTAN. QazAqparat - Jeńil salmaqta (50.8 kg) judyryqtasatyn ulty qazaq qytaılyq kásipqoı boksshy Ulan Tóleǵazyuly (12-3-1,5 KO) Fýchjoý qalasynda kezekti jekpe-jegin ótkizdi, dep habarlaıdy QazAqparat.
sports.qq.com portalynyń habarlaýynsha, Ulan Tóleǵazyuly kásipqoı bokstaǵy 16-jekpe-jeginde fılıpındik boksshy Ardın Dıalmen qolǵap túıistirip, 12 raýnd qortyndysy boıynsha tóreshiler sheshimimen jeńiske jetti.
Sondaı-aq, qandasymyz naýryz aıynda jeńip alǵan WBA tujyrymy boıynsha halyqaralyq chempıon tıtýlyn (WBA International Flyweight Title) sátti qorǵap qaldy.
Aıta keteıik, Ulan Tóleǵazyuly eń jeńil salmaqta (50.8 kg) WBC tujyrymy kúmis beldigi (WBC Silver Flyweight Title) jáne WBO tujyrymy Azııa-Tynyq muhıt chempıony (WBO Asia Pacific Flyweight Title) beldikteriniń ıegeri. Ol osy salmaqtaǵy álemdik reıtıngte 9- orynda tur.