Kásipkerlikpen aınalysýǵa 17 myńnan astam grant berildi - Eńbek mınıstri
«Elimizdegi barlyq memlekettik baǵdarlamalar áleýetin eskere otyryp, bıyl 1 mln 220 myń adamdy jumyspen qamtý sharalaryna tartý josparlanǵan bolatyn. Búginde 743 myń adam osy sharalarǵa tartyldy. Onyń ishinde Eńbek baǵdarlamasyna 379 myń adam qatysýǵa nıet bildirdi. Olarǵa kásipkerlikpen aınalysýǵa 5 800 jeńildetilgen nesıe, 17 200 qaıtarymsyz grant berildi», - dedi mınıstr.
Onyń sózine qaraǵanda, qysqa merzimdi oqytýmen, kásipkerlik negizderine oqytýǵa barlyǵy 34,5 myń adam qatysýda. Qyrkúıek aıynda qosymsha UBT-dan ótpeı qalǵan mektep túlekteri jumysshy mamandyqtar boıynsha tegin tehnıkalyq-kásiptik oqýǵa jiberiletin bolatyn.
«Jumyspen qamtý ortalyqtary ashyq vakansııalarǵa berilgen joldamalar boıynsha 130 myń adamǵa jumys taba bildi. Eńbek baǵdarlamasynyń óńirler bólinisinde oryndalýyna toqtalatyn bolsaq, 14 tamyzdaǵy jaǵdaı boıynsha 5 800 shaǵyn nesıe alǵan adam qosymsha 6151 turaqty jumys ornyn ashty. Shaǵyn nesıeler jumystarynda Shyǵys Qazaqstan, Qostanaı oblystary jáne Shymkent qalasy jaqsy kórsetkishterge ıe, Batys Qazaqstan oblysynda belsendilik tanytý kerek. Berilgen 17 myńnan astam granttyń 51 paıyzy az qamtylǵan, kópbalaly jáne jumyssyzdarǵa baǵyttaldy», - dedi B. Nurymbetov.