Kásipkerlik salada mindetti talaptar tizilimi jasalýda

NUR-SULTAN. QazAqparat – Kásipkerlik salada mindetti talaptar tizilimi jasalyp jatyr. QR Ulttyq ekonomıka mınıstri Álibek Qýantyrovtyń aıtýynsha, ol tizilim 2023 jyldan bastap iske qosylady, dep habarlaıdy QazAqparat tilshisi.

Mınıstr 2021 jylǵy 30 jeltoqsanda Qazaqstan Respýblıkasynda kásipkerlik qyzmet salasynda jańa retteýshilik saıasatty engizý máseleleri jónindegi Zańnyń kúshine engenin eske saldy. Sol zańdy iske asyrý úshin birneshe quqyqtyq akti bekitý qajet kórinedi.

«Tizbe 164 normatıvtik-quqyqtyq aktini qamtıdy. Retteýshi aktiler ázirlendi, olar boıynsha kelisý protsesi júrgizilýde. Osyǵan baılanysty memlekettik organdar jobalardy ýaqtyly ázirleý jáne qabyldaý úshin belsene qatysýy tıis», - dedi vedomstvo basshysy.

Onyń aıtýynsha, atalǵan zańnyń negizgi jańashyldyǵy kásipkerlik salasyndaǵy mindetti talaptar tizilimin qalyptastyrýynda.

«Tizilimde retteýshilik aktilerdiń jańa retteýshilik saıasatqa sáıkestigi turǵysynan olarǵa taldaý júrgizý merzimderi aıqyndalatyn bolady. Eger retteýshi organ osy taldaýdy merzimde júrgizbegen jaǵdaıda, onda mundaı aktilerdiń kúshi joıylady jáne tiziliminen shyǵarylady.

Qujat ereksheligi - tizilimnen shyǵarylǵan kásipkerlerdi merziminde joıylmaǵan talaptardy buzǵany úshin ákimshilik jaýapkershilikten bosatý.

Tizilim 2023 jylǵy 1 qańtardan bastap iske qosylady. Sonymen qatar búginde ony qalyptastyrý boıynsha jumystar bastaldy», - dedi Álibek Qýantyrov.