Kásipkerlerge qatysty sotqa deıingi tergep-tekserý 4 ese qysqardy
Atalǵan is-sharaǵa «Atameken» Ulttyq palatasy prezıdıýmynyń tóraǵasy R.A. Batalov, Qazaqstan kásipkerleriniń quqyqtaryn qorǵaý jónindegi ýákil R.M. Júrsinov, Joǵarǵy Sottyń, ortalyq vedomstvolar men mınıstrlikterdiń basshylary qatysty.
Keńesti ashqan Berik Asylov,Prezıdent tapsyrmasy boıynsha prokýrorlyq qadaǵalaý kásipkerlerdiń, sondaı-aq ınvestorlardyń máselelerin tıimdi sheshýge baǵyttalǵanyn atap ótti.
Osyndaı sharalardyń biri – ótken jylǵy qyrkúıektegi Forýmnyń nátıjesi boıynsha qabyldanǵan Bıznesti qorǵaý jónindegi birlesken is-sharalardyń keshendi jospary.
Oǵan bıznes qoǵamdastyǵyn mazalaıtyn eń ótkir jáne ózekti máseleler qosylǵan. Salyqtyq ákimshilendirý máselelerinen bastap, olardyń quqyqtaryna nuqsan keltiretin kez kelgen deńgeıdegi aktilerdiń kúshin joıýǵa deıingi barlyǵy 44 is-shara jatady.
Naqty keıster qamtylǵan osy is-qımyl josparyn iske asyrýǵa 21 memlekettik organ jumyldyrylǵan.
Qol jetkizgen nátıjeler men problemalar týraly Bas prokýratýranyń, Ulttyq ekonomıka mınıstrliginiń jáne Qarjylyq monıtorıng agenttiginiń basshylyǵy tyńdaldy.
Búginge qabyldanǵan sharalarmen kásipkerlerge qatysty sotqa deıingi tergep-tekserý 4 ese qysqardy (Bas Prokýrordyń 02.09.2022 jylǵy nusqaýyna deıin aı saıyn ortasha eseppen 150 is tirkelse, aǵymdaǵy jyly – 40).
Qylmystyq qýdalaý organdary kásipkerlerdiń banktik shottaryna salǵan tyıym salýdy alyp tastaý máselesi sheshildi (eger sot sanktsııasy bolmasa, olardy qazir bankter 10 táýlik ótkennen keıin alyp tastaıdy).
Múddeleri qozǵalǵan bıznes sýbektileri aýdıt qorytyndylarymen tanysý jáne shaǵymdaný quqyǵyn berý máselesi zańnamalyq retteldi.
Kásipkerlerge qatysty salyq buıryqtaryn shyǵarýdyń jáne fıskaldyq organnyń baqylaý-kassalyq mashınalardy qoldaný máseleleri boıynsha tekserýler júrgizýdiń, sondaı-aq ákimshilik jazalar qoldanýdyń zańsyz tájirıbesi toqtatyldy.
Qadaǵalaý aktileri boıynsha 21 myńnan astam salyq buıryqtarynyń jáne 13 myń atqarýshylyq óndiristiń kúshi joıyldy, 1260bıznes sýbektisi ákimshilik jaýaptylyqtan bosatyldy.
150 memlekettik kirister organdarynyń qyzmetkeri men sot oryndaýshylar, onyń ishinde 24 basshy jazalandy.
Bıznes sýbektileriniń memlekettik organdar men sottarǵa júginý úshin alǵysharttardy joıý boıynsha jumys nátıjeleri aıtyldy.
4,5 myńnanastam zańsyz tekserýler men baqylaýdyń ózge de nysandarynyń joly kesildi.
Aǵymdaǵy jylǵy naýryzda jáne sáýirde Bas prokýratýranyń narazylyqtary boıynsha 5 mınıstrliktiń (densaýlyq saqtaý, aýyl sharýyshylyǵy, ekologııa, qarjy, ındýstrııa jáne ınfraqurylymdy damytý) 2 myń kásipkerge barýmen profılaktıkalyq baqylaý júrgizý týraly 9 buıryǵynyń kúshi joıyldy.
Sondaı-aq, tsıfrlyq tehnologııalardy engizý talqylandy, onyń ishinde jer ýchaskelerin usyný, kásipkerlik qyzmetke aralasý týraly sıgnal berý jáne tutynýshylar bıznes obektilerin baǵalaý úshin.
Óz kezeginde, Bıznes-ombýdsmen Rýstam Júrsinov prokýratýra organdarymen yntymaqtastyqtyń tıimdiligin atap ótti, kásipkerlerdiń problemalaryn aıtyp, olarǵa aýmaqtyq prokýrorlarǵa qosylýdy surady.
Sonymen qatar, memlekettik organdardyń is-áreketteri men sheshimderindegi olqylyqtar atap ótildi.
Nátıjesinde bıznes qoǵamdastyqpen tyǵyz ózara is-qımylda ýákiletti organdarǵa ári qaraı jumysy boıynsha serpin berildi.
Sonymen birge, prokýrorlardyń aldyna naqty mindetter qoıyldy.
Atap aıtqanda, «Atameken» palatasymen tıimdi ózara is-qımyldy jáne bıznes sýbektilerine quqyqtyq keńesti qamtamasyz etý.
Sondaı-aq óńirlerdiń prokýrorlaryna árbir mańyzdy ınvestıtsııalyq jobaǵajeke qyzmetkerlerdi bekitý tapsyryldy.