Kásipkerlerdi salyqtan bosatý ekonomıkanyń damýyna yqpal etedi - sarapshy pikiri
Óńirdegi «Taldaý jáne boljaý ortalyǵy» qoǵamdyq uıymynyń tóraǵasy Bektaı Ormanov ásirese bıznesin endi bastaǵan kásipkerlerdi salyqtan úsh jylǵa bosatý úlken qoldaý bolatyndyǵyn aıtty, dep habarlaıdy QazAqparat.
Bektaı Ormanovtyń pikirinshe, Prezıdenttiń eldegi memlekettik kompanııalardyń sanyn qysqartý jónindegi tapsyrmasy óte oryndy.
«Memlekettik kompanııalar sanynyń kóp bolýy naryqtaǵy básekelestikti tejeıdi. Memlekettiń ekonomıkaǵa aralasýyn toqtatý jolynda Prezıdent birqatar ózgerister engizgenin atap ótti. ıAǵnı bul bıznespen aınalysýshy kez kelgen kompanııaǵa nemese kásipkerge naryqtyq básekelestikte jol ashady. Burynǵydaı memlekettiń aqshasyna alaqan jaıyp otyratyn kompanııalar azaıyp, taza básekelestik paıda bolady. Bul óz kezeginde ekonomıkanyń keń qanat jaıýyna yqpal etedi»,- deıdi qoǵamdyq uıym tóraǵasy.
Taldaý jáne boljaý ortalyǵynyń jetekshisi sondaı-aq, kásipkerlerdi ýaqytsha salyqtan bosatý týraly usynysty der kezinde qolǵa alynǵanyn aıtady.
«Prezıdentimiz shaǵyn bıznespen aınalysýshylardy 3 jylǵa deıin salyqtan bosatýdy tapsyrdy. Bul da óz kezeginde elge úlken kómek bolatyn sheshim. Bul sheshim endi aıaqqa turyp kele jatqan bıznesmender úshin ońtaıly bolmaq. 3 jylǵa deıin salyqtan bosatylǵan olar kásibin jolǵa qoıyp, el ekonomıkasynyń damýyna yqpal etedi»,- deıdi Bektaı Ormanov.