Kásipkerlerden para alýdyń qylmystyq shemasyn jasaǵan laýazymdy tulǵalar ustaldy

NUR-SULTAN. QazAqparat - Almaty oblysy Memlekettik kirister departamentiniń «Nur joly» keden beketiniń 8 laýazymdy tulǵasynyń qylmystyq is-áreketiniń jolyn kesildi. Bul týraly AntikorNews baǵdarlamasynda aıtyldy, dep habarlaıdy QazAqparat tilshisi.

«Almaty oblysynyń sybaılas jemqorlyqqa qarsy qyzmeti QR UQK áskerı qarsy barlaý jáne Qazaqstan Respýblıkasynyń Bas kólik prokýratýrasymen birlesip, aýqymdy is-sharany ótkizý barysynda Almaty oblysy Memlekettik kirister departamentiniń «Nur joly» keden beketiniń 8 laýazymdy tulǵasynyń qylmystyq is-áreketiniń jolyn kesti», - deıdi QR Sybaılas jemqorlyqqa qarsy is-qımyl agenttigi birinshi departamentiniń asa mańyzdy ister jónindegi tergeýshisi Danııar Bıǵaıdarov.

Atap aıtqanda, kedendik, kóliktik, veterınarlyq-fıtosanıtarlyq jáne sanıtarlyq-epıdemıologııalyq baqylaý salasyndaǵy atalǵan laýazymdy tulǵalar júıeli negizde kásipkerlerden jáne QHR-ǵa qaraı júretin aýyr júk kólikteriniń júrgizýshilerinen para alýdyń qylmystyq shemasyn uıymdastyrǵan.

«Qazaqstannan QHR-ǵa qaraı jol júrý úshin beıresmı tólem túrinde qalyptasqan «taksaǵa» baılanysty uzyndyǵy 30 shaqyrymǵa deıingi úlken kepteliske qatysty laýazymdy tulǵalar quqyq qorǵaý organdarynyń nazaryna tústi.

Keden beketiniń 6 laýazymdy tulǵasy ustalyp, Taldyqorǵan qalasy PB ÝUI-na qamaldy, 2 qyzmetker óz kinásin tolyq moıyndaýyna baılanysty ustalǵan joq.

Kúdiktiniń kinálilik dárejesi týraly túpkilikti sheshimdi sot qabyldaıdy», - deıdi ol.