Kásipkerler úshin elektr energııasyn arzandatýdyń quqyqtyq tetikteri engiziledi - Nyǵmatýlın
Bul týraly búgin "Nur Otan" partııasy fraktsııasynyń otyrysynda QR Parlamenti Májilisiniń tóraǵasy Nurlan Nyǵmatýlın málim etti, dep xabarlaıdy QazAqparat.
"Elektr energııasy týraly zań jobasyn jasaqtaý barysynda "Atameken" UKP-men tyǵyz qarym-qatynas jasadyq. Qazir ol zań jobasy qolymyzda jáne ekinshi oqylymda talqylanatyn bolady. Salalyq Komıtetpen talqylaý barysynda biz kóptegen problemalardyń sheshimin beretin quqyqtyq tetik oılap taptyq. Ol - energııa tasymaldaǵysh kompanııalardy irilendirý. Osylaısha, elektr energııasynyń quny kásipkerler úshin de, xalyq úshin de arzandaı túsedi", - dedi N. Nyǵmatýlın.
Spıkerdiń atap ótkenindeı, elektr energııasyna ketetin shyǵyndar bıznestiń eń salmaqty shyǵyndarynyń biri.
Fraktsııa otyrysynyń jumysyna "Atameken" UKP prezıdıýmynyń tóraǵasy Tımýr Qulybaev qatysýda.