Kásipkerler palatasy elorda aýmaǵynda jer telimderin rásimdeý jumystaryn jeńildetýdi surady
«Astana aýmaǵynda aýyl sharýashylyǵy maqsatyndaǵy jerler bar, olardyń nysanaly maqsatyn aýystyrý qajet. Bul máseleni birneshe jyl boıy kóterip kelemiz. Jerdi rásimdeý boıynsha birneshe másele bar. Aýyl sharýashylyǵy jerlerin óndiris salasyna aýystyrý úshin qyrýar qarajat qajet. Bul jerlerdi paıdalaný maqsatyn ózgertýdi jeńildetý kerek. Jergilikti deńgeıde bul ýchaskelerdi belgilengen maqsatqa aýystyrý úshin shamamen 600 mıllıard teńge kerek eken. Árıne, mundaı qomaqty qarajatty tabý múmkin emes», - dedi B.Jolboldıev qaladaǵy bıznes ókilderiniń Senat depýtattarymen kezdesýi kezinde.
Onyń aıtýynsha, atalǵan jel telimderi ıgerilmeı jatqanyn eskere otyryp, ony iskerlik salada paıdalanǵan mańyzdy bolyp tur.
Atap aıtqanda, bos turǵan jerdiń tapshylyǵy jaǵdaıynda, kásipkerlik sýbektileri keıinnen jer teliminiń nysanaly maqsatyn ózgerte otyryp, úshinshi tulǵalardan óz betinshe satyp alynǵan jer ýchaskelerinde qurylys júrgizedi. Menshik ıesi Qazaqstan Respýblıkasynyń zańnamasynda kózdelgen jer ýchaskesiniń kadastrlyq (baǵalaý) qunyna teń somany bıýdjetke tóleýge mindetti.
Qalalyq Kásipkerler palatasynyń málimetinshe, 1-2 gektar jer ýchaskesinde az qabatty turǵyn úı keshenin salǵan jaǵdaıda, jer teliminiń nysanaly maqsatyn ózgertý quny 33,4 mln teńgeden 267,3 mln teńgege deıin jetedi.
Investor aýyl sharýashylyǵy maqsatyndaǵy jer ýchaskesiniń nysanaly maqsatyn qurylys salý maqsatynda ózgertken jaǵdaıda (bul Astana qalasynyń shekarasyn keńeıtý kezinde qala aýmaǵyna engen jerler), jer ýchaskesiniń kadastrlyq qunyn tóleýden basqa, ol bıýdjetke aýyl sharýashylyǵy óniminiń shyǵynyn óteýge mindetti.
Osy oraıda ol jer telimderine qatysty rásimderdi jeńilditý kerek ekenin atap ótti.