Kásipkerler qandaı jaǵdaıda koporatıvtik tabys salyǵynan bosatylady
24 maýsymda «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń kodeksine jáne «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksin qoldanysqa engizý týraly» Zańǵa ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıǵan bolatyn.
Ulttyq ekonomıka mınıstrliginiń baspasóz qyzmeti taratqan málimetke súıensek, zańda pandemııadan týyndaǵan shekteý sharalary kezeńinde bıznesti qoldaýǵa, salyq mindettemeleriniń oryndalýyn jeńildetýge jáne iskerlik belsendilikti yntalandyrýǵa baǵyttalǵan ózgerister bar.
«Jańa tirkelgen bıznes kásiporyndary úshin óz ónimderin ótkizý kezinde qosylǵan qun salyqty 70%-ǵa tómendetý sııaqty salyq jeńildikteri kózdelgen. Bul jeńildik zańdy tulǵa tirkelgen sátten bastap eki jyl boıy qoldanýǵa bolady», - dep jazylǵan resmı málimette.
Al óndeý ónerkásibindegi shaǵyn bıznes nysandaryn jańa negizgi qorlarǵa qaıta ınvestıtsııalanǵan jaǵdaıda alynǵan tabystan korporatıvtik tabys salyǵynan bosatý kózdelgen. Bul ınvestıtsııalyq ahýaldy jaqsartýǵa jáne óńdeý ónerkásibin damytýǵa múmkindik beredi degen boljam bar.
«Sondaı-aq, zańda pandemııaǵa baılanysty tekserý men emdeýdi qosa alǵanda, sanıtarııalyq-epıdemıologııalyq, sanıtarııalyq-profılaktıkalyq is-sharalardy uıymdastyrýǵa jáne júrgizýge jumys berýshiniń shyǵyny boıynsha qyzmetkerdi tabys salyǵynan bosatatyn normalar bar. Jańa engizilimderdiń biri mobıldik qosymshany paıdalaný arqyly arnaıy salyq rejımin engizý bolyp tabylady. Ol salyq tóleýshiniń qyzmetin tirkeýdi, toqtatýyn jáne salyq mindettemelerin oryndaýyn jeńildetýge múmkindik beredi», - delingen mınıstrliktiń málimetinde.