Kásipkerler elordada bos jer telimderi týraly aqparatty alýdyń qıyndyǵyn aıtty

ASTANA. QazAqparat - Astana qalasy Kásipkerler palatasynyń dırektory Beısen Jolboldıev Qala qurylysy kodeksine saladaǵy mańyzdy máselelerdi sheshýge yqpal etetin tetikterdi engizýdi surady, dep habarlaıdy QazAqparat tilshisi.

«Bıyl qyrkúıektegi Joldaýynda Memleket basshysy Qazaqstandaǵy sáýlet-qurylys qyzmetin retteıtin 2,5 myńnan astam qujat bar ekenin aıtyp, bul júıe ábden qaǵazbastylyqqa kómilgenin eskertti. Sondyqtan Úkimetke múldem jańa qujatty, ıaǵnı Qala qurylysy kodeksin qabyldaý tapsyryldy. Osy oraıda búgin senatorlardyń qatysýymen ótip jatqan jıyn salada qordalanǵan problemalardy sheshý úshin tyń serpin beredi dep úmittenemin. Atap aıtqanda, qajet ózgerister Qala qurylysy kodeksinde eskeriledi dep senemiz», - dedi B. Jolboldıev qaladaǵy bıznes ókilderiniń Senat depýtattarymen kezdesýi kezinde.

Qalalyq Kásipkerler palatasynda ár qurylysshy tap bolatyn negizgi máselelerdi aıtyldy. Bul turǵyda bıýdjetten qarjylandyrylatyn qurylys nysandary qunynyń ósýi problemasy bar. Ekinshiden, quny boıynsha túzetý rásimi júrip jatqan qurylys jobalaryn qosymsha qarjylandyrý úshin qarajat bolmaı jatady.

Munymen qosa, bıznestiń bos jer telimderi, bekitilgen bas jospar jáne basqa da qujattar boıynsha aqparatqa emin-erkin qol jetkize almaı otyrǵandyǵy sóz boldy.

Budan buryn habarlanǵandaı, kásipkerler Qurylysty qoldaý qoryn qurýdy usyndy .