Kásipker Qaırat Qudaıbergen Almatyda 10 kitap sóresin ornatýǵa ýáde berdi

ASTANA. QazAqparat - Astanada ótken «Bolashak Books» kitap sóresiniń tusaýkeserinde qazaqstandyq kásipker Qaırat Qudaıbergenov Almatyda óz kompanııasynyń qarjysyna 10 birdeı kitap sóresin ornatýǵa ýáde berdi, dep habarlaıdy «QazAqparat» HAA tilshisi.

«Kóp oqıtyn adam eń súıikti kitabym osy dep aıta almaıtyn sekildi. Maǵan qazaq ádebıetiniń klassıkteriniń týyndylary unaıdy. Ekinshiden, bıznes týraly jazylǵan kitaptardy oqýǵa tyrysamyn. Bızneske qatysy bolmasa, qazirgi jazýshylardy shynymdy aıtsam kóp oqymaımyn», - deıdi Qaırat Qudaıbergen.
 

Kásipker sondaı-aq, óziniń TOP-5 kitaptaryn atady. Ol qumartyp oqıtyn týyndylardyń bestigin Teodor Draızerdiń trılogııasy, Aızekson Ýolterdiń «Stıv Djobs», Aın Rendtiń «Atlant qulashyn jaıady», Robert Grınniń «Bıliktiń 48 zańy» men Oleg Tınkovtyń «Qalaı bıznesmen bolýǵa bolady» týyndylary quraıdy eken.

«Jastarǵa bıznespen aınalysyńdar degim keledi. Múmkindikti paıdalana otyryp, Almatyǵa dál osyndaı «Bolashak Books» kitap sóresiniń onyn Almatyǵa ornatýdy qolǵa alamyn», - dep túıdi Qaırat Qudaıbergen.

Eske sala ketsek, Astanadaǵy «Han shatyr» saýda, oıyn-saýyq kesheninde «Bolashak Books» jobasynyń tusakeseri ótti. Uıymdastyrýshylar osyndaı tyń mazmundaǵy jobamen elimizde kitap oqý mádenıetin damytýdy kózdep otyr. Demek, kez kelgen qaladaǵy turǵyndar saýda ortalyqtaryndaǵy «Bolashak Books» shkaftarynan ózine unaǵan kitaptardy ala alady.