Kásip bastaýǵa nıetti jastar tyń ıdeıalardy júzege asyra alady – jas kásipker
Onyń aıtýynsha, salyq saıasaty, kedendik ahýaldyń jáı-kúıi, bıýdjet, Ulttyq qor qarajatyn únemdi jumsaý barysyn sóz etken Memleket basshysy shaǵyn jáne orta bıznesti qoldaý qajet ekenin jáne olarǵa kómek kórsetiletinin jetkizdi.
«Kásip bastaýǵa nıetti jastarǵa eń tómengi 2 paıyzdyq mólsherlemede nesıe berilmek. Eńbek etkisi keletin jastar bul baǵytta tyń ıdeıalardy júzege asyrady degen oıdamyn. Osy oraıda Oral qalasynan «Jas kásipkerler« assotsıatsııasyn qurýdy usynamyn. Shaharymyzda jas kásipkerler sany artyp keledi. Olarǵa qarjylyq saýattylyq pen tájirıbe qajet. Bul bastama qalamyzdyń damýyna, áleýmettik máselelerdi sheshýge septesedi», deıdi A.Álibekqyzy.
Onyń sózinshe, el bolashaǵy – jastardy qoldaýdy Joldaýdan aıqyn sezine alǵan. Ult kelesheginiń kepili – bilimdi urpaq. Mektep oqýshylary úsh aýysymdyq jəne apatty dep tanylǵan bilim ordalarynan sapaly, jaıly mektepterge qadam basatyn bolady. Oralda respýblıka boıynsha úzdik ondyqqa ilikken oqý ordalarynda san myńdaǵan jas bilim alýda. Olarǵa pana bolar jataqhana məselesiniń de sheshimi naqty kórsetildi. Bul baǵytta birqatar qyzmetter atqarylýda. Bul – úlken qýanysh. Endigi kezekte jastarǵa 100 myń jańa jumys orny ashylatyn bolady. Bul jastarǵa úlken múmkindik bermek. 2020 jyldan bastap eseptegende qaladaǵy joǵary jáne arnaýly oqý oryndarynan 300-den asa stýdent oqýyn aıaqtamaı, orta jolda tastap ketken. Sebep – oqý aqysyn tóleı almaý, tártipsizdik, oqý úlgeriminiń nasharlyǵy. Iıa, qoǵam bolǵasyn túrli jaǵdaı bolady. Aǵat basqan jastardy qoǵamnan alshaqtatpaı, oraıy kelgende, taǵy demese, artyqtyq etpeıdi.
Osy negizde «Eńbek» memlekettik baǵdarlamasy aıasynda jyl sonyna deıin 45 adamdy qysqa merzimdi kásiptik oqytýǵa jiberý josparlanyp otyr. Bul oraıda qysqa merzimdi oqytý boıynsha beriletin mamandyqtar tizbegin jańartyp, kvota sanyn ulǵaıtý qajet. Bul jastarǵa tyń serpilis berer edi. Osylaısha, qazirgi tańda asa qajetti, suranysqa ıe mamandar sanyn kóbeıtýge bolar edi.
«Prezıdent saılaýyna baılanysty aıtarym, meniń oıymsha, saılaý jańa elıtany qalyptastyrady. Memleket basshysynyń bul usynysyn jastar qoldaıdy jəne saılaýda qyzmet etýge ázir. Osy negizde erikti jastarymyzdy jasaqtap, qysqa merzimde saılaý aldy daıyndyq deńgeıin pysyqtaıtyn (anyǵy – tolyq saılaý boıynsha túsinik beretin) saıası-tanym bolatyn lager jumysyn uıymdastyrý qajet dep oılaımyn. Bul jastardyń saıası naýqanǵa degen oń kózqarasyn qalyptastyrady degen pikirdemin. Qoryta aıtqanda, Joldaý san salany qamtydy. Kishkentaı səbılerimizge keremet bolashaq bolar jańa baǵdarlama, zeınet jasynyń turaqtanýy, basqa da kókeıkesti máselelerdiń el aldynda ashyq aıtylýy ortaq múdde jolynda halyqty biriktiredi dep oılaımyn. Jastar Joldaýda kórsetilgen baǵyttardy iske asyrýǵa daıyn jəne biz usynǵan bastamalar da qoldaý tabady dep senemin», dep túıindedi oıyn A.Álibekqyzy.
Eske sala keteıik, budan buryn saıasattanýshynyń elimizdiń saıası basqarý júıesi tolyqtaı jańartylatyny jóninde aıtqanyn jazǵan bolatynbyz.