Qasym-Jomart Toqaev: Jýrnalısterge páter tabystaý dástúri keleshekte te jalǵasady

<p>ASTANA. KAZINFORM &ndash;&nbsp; Prezıdent Qasym-Jomart Toqaev BAQ salasy qyzmetkerlerin marapattaý rásiminde sóılegen sózinde&nbsp; úzdik jýrnalısterge syılyq tabystaýdy qalyptasqan dástúr dep baǵalaıtynyn aıtty.</p>

«Kez kelgen eńbek baǵalanýǵa tıis. Órkenıetti qoǵam mass-medıa maıtalmandaryn erekshe qadirleıdi. Jyl saıyn elimizde úzdik jýrnalısterge syılyqtar tabystalady. Bul – qalyptasqan dástúr. Búgin ortamyzda osy salada jarty ǵasyrǵa jýyq qyzmet atqarǵan azamattar bar. Aımaqtaǵy jýrnalıstıkanyń kóshin bastaǵan tulǵalar da az emes. Osy jıynǵa ár oblystyń buqaralyq aqparat ókilderin arnaıy shaqyrdyq. Bir sózben, bul jerde naǵyz maıtalman mamandar otyr. Sondyqtan men aqparat salasyna erekshe eńbek sińirgen bir top azamatty memlekettik nagradamen marapattaý týraly sheshim qabyldadym», - dedi Qasym-Jomart Toqaev.

Prezıdent jýrnalıst qaýymnyń kásibı mindetti abyroımen atqaryp kele jatqanyn atap ótti.

«Byltyrdan beri mereke qarsańynda jýrnalısterge páter kiltin tabystaýdy dástúrge aınaldyrdyq. Bul úrdis bıyl da, aldaǵy ýaqytta da jalǵasa beredi», - dedi Memleket basshysy.