Qasym-Jomart Toqaev Túrikmenstan halqyn Táýelsizdik kúnimen quttyqtady

<p>Memleket basshysy Qasym-Jomart Toqaev Prezıdent Serdar Berdimuhamedovti jáne Túrikmenstan halqyn Táýelsizdik kúnimen quttyqtady. <a href="https://kaz.inform.kz/" target="_blank" rel="noopener">QazAqparat</a> bul týraly <a href="https://akorda.kz/kz/kasym-zhomart-tokaev-turikmenstannyn-tauelsizdik-kunine-oray-kuttyktau-zhedelhatyn-zholdady-2785859" target="_blank" rel="noopener">Aqordaǵa </a>silteme jasap habarlaıdy.</p>

«Qazaqstandyqtar Túrikmenstannyń zor jetistikterine shyn nıetpen tileýles jáne eki el arasyndaǵy ǵasyrlar boıy jalǵasyp kele jatqan dostyq, tatý kórshilik qatynastar men jan-jaqty yntymaqtastyqty nyǵaıtýǵa erekshe mán beredi», – dep jazylǵan jedelhatta.

Memleket basshysy ózara birlesken kúsh-jigerdiń nátıjesinde qazaq-túrikmen strategııalyq seriktestiginiń kókjıegi keńeıip, kópjaqty qarym-qatynastyń damý qarqyny arta túsetinine senim bildirdi.

Qasym-Jomart Toqaev Serdar Berdimuhamedovtiń jaýapty memlekettik qyzmetine tabys, al baýyrlas Túrikmenstan halqyna baq-bereke tiledi.