Qasym-Jomart Toqaev Togo Respýblıkasynyń Prezıdentimen telefon arqyly sóılesti

<p>Qasym-Jomart Toqaev Togo Respýblıkasynyń Prezıdenti For Gnassıngbemen telefon arqyly sóılesti, dep habarlaıdy <a href="https://kaz.inform.kz/" target="_blank" rel="noopener">QazAqparat</a>.</p>

"Memleket basshysy Afrıkadaǵy saıası jáne ekonomıkalyq jańǵyrý úderisin erekshe yqylaspen baqylap otyrǵanyn atap ótip, Qazaqstannyń atalǵan qurlyqtaǵy eldermen qarym-qatynasty keńeıtýge nıetti ekenin aıtty.

Kelesi jyly Qazaqstan men Togo arasyndaǵy dıplomatııalyq qatynastardyń ornaǵanyna 10 jyl tolady. Osyǵan baılanysty memleketter basshylary ekijaqty baılanystardy nyǵaıtýǵa ózara beıildi ekenin rastady", - dep jazdy Aqordanyń resmı saıty.

Áńgimelesý barysynda prezıdentter saýda, ınvestıtsııa, kólik, logıstıka jáne aýyl sharýashylyǵy salalaryndaǵy yntymaqtastyqty tereńdetý perspektıvalaryn, sondaı-aq halyqaralyq uıymdar aıasyndaǵy ózara yqpaldastyq máselelerin talqylady.